खेड तालुक्यात कोविड लसीकरणाचा सावळा गोंधळ,नागरिकांनी लस घेऊन देखील नावनोंदणी होईना

स्वराज्य वार्ता प्रतिनिधी कुणाल शिंदे

पुणे :- खेड तालुक्यातील अनेक गावांतील नागरिकांनी शासनाने चालु केलेल्या कोविड 19 प्रतिबंधात्मक लस घेऊन देखील नावनोंदणी होत नसल्याने आरोग्य विभागाचा सावळा गोंधळ पुन्हा समोर आला आहे.

खेड तालुक्याचा चाकण औद्योगिक नगरीमुळे झपाट्याने विकास होत चालला आहे. त्यामुळे अनेक नागरिक,भाडेकरू, कामगार वर्ग हा परराज्यातून या चाकण परिसरात व तालुक्यातील भागात वास्तव्यास आहे. जगात कोरोनाने पुन्हा थैमान घातले असताना कोरोनाची तिसऱ्या लाटेने महाराष्ट्राची चिंता वाढत चालली आहे. कोरोनाच्या या भयंकर महामारीला प्रतिबंधात्मक म्हणून भारत सरकारने प्रत्येक नागरिकांचे कोविड 19 लसीकरण चालूं केले.या लसीकरणाला अनेक नागरिकांनी उत्स्फूर्तपणे हजेरी लावली.अनेक नागरिकांचे २ डोस पूर्ण झाले आहे. परंतु खेड तालुक्यातील अनेक नागरिकांनी, महिलांनी, भाडेकरूंनी लसीचा पहिला डोस घेऊन देखील नावनोंदणी न झाल्याने त्या संभ्रमात आहे.त्यामुळे आरोग्य विभागाकडून होणाऱ्या लसीकरणाचा सावळा गोंधळ उडाला आहे.

यामुळे आरोग्य कर्मचाऱ्यांकडुन किती दक्षतेने लसीकरणाची नागरिकांची नोंद केली जाते यावरून स्पष्ट होताना दिसत आहे.तालुक्यातील अशिक्षित अनेक नागरिक,भाडेकरू, महिलावर्ग यांना मोबाईलचे ज्ञान नसल्याने त्या दुसऱ्या डोससाठी प्रतीक्षेत आहेत.पहिल्या कोरोना डोस घेऊन नावनोंदणी न झाल्याने ८४ दिवस उलटुन देखील पुन्हा दुसरा डोस कशाप्रकारे घेता येईल व मोबाईलवर कधी Msg येनार याकडे नागरिकांचे लक्ष लागले आहे. तालुक्यात ग्रामीण रुग्णालय व प्राथमिक आरोग्य केंद्राकडून लसीकरण नागरिकांना केले जात आहे.परंतु पहिल्या कोविड डोसची लसीकरण होऊन देखील नावनोंदणी होत नसल्याने दुसरा डोस घेयचा कसा??? असा प्रश्नचिन्ह आता महिलांपुढे व नागरिकांपुढे निर्माण झाले आहे.

खेड तालुक्यातील अनेक नागरिक यामुळे ८४ दिवस उलटून देखील दुसऱ्या डोसच्या प्रतीक्षेत आहेत. यावर आरोग्य विभागांकडून कोणती पाऊले उचलली जाणार हेच पाहावे लागेल.