दर्यापूर होमगार्ड असोसिएशनतर्फे राष्ट्रीय कुस्ती स्पर्धा कास्य पदक प्राप्त करणाऱ्या स्वप्नील वरुडकरचा सत्कार

दर्यापूर – महेश बुंदे

भारतीय डाक विभागात कार्यरत असलेले स्वप्नील वरुडकर यांनी नुकत्याच दिल्ली येथे झालेल्या राष्ट्रीय कुस्ती स्पर्धेत कास्य पदक मिळविले असून दर्यापूर तालुक्यासाठी ही गौरवाची बाब आहे यासाठी समस्त शहरवासीयांकडून शुभेच्छांचा वर्षाव स्वप्निल वरुडकर यांच्यावरती होत आहे.

नुकताच हनुमान व्यायाम क्रीडा मंडळ व दर्यापूर होमगार्ड असोसिएशन यांच्यातर्फे स्वप्निल वरुडकरचा यथोचित सत्कार करण्यात आला. त्याचबरोबर हनुमान व्यायाम क्रीडा मंडळाच्या वतीने प्राविण्य प्राप्त व पदक प्राप्त विद्यार्थ्यांचा जाहीर सत्कार करण्यात आला. यावेळी आमदार बळवंत वानखडे, जिल्हा बँक अध्यक्ष सुधाकर पाटील भारसाकळे, जिल्हा परिषद आरोग्य सभापती बाळासाहेब हिंगणीकर यांच्या वतीने सुद्धा प्राविण्य प्राप्त विद्यार्थ्यांचा यथोचित सत्कार करण्यात आला.