शासकीय वसतिगृहामध्ये कोरोनाचे नियम पाळून भारतातील पहिल्या शिक्षिका क्रांतीज्योती सावित्रीबाई फुले यांची जयंती उत्साहात संपन्न

दर्यापूर – महेश बुंदे

आज ३ जानेवारी २०२२ रोजी येथील डॉ. बाबासाहेब आंबेडकर मागासवर्गीय मुलांचे शासकीय वसतिगृहात भारतातील पहिल्या शिक्षिका, मुख्याध्यापिका, स्त्री शिक्षणाच्या प्रणेत्या, विद्येच्या जननी व समस्त स्त्रियांना उजेडाची वाट दाखविणाऱ्या क्रांतीज्योती सावित्रीबाई फुले यांची १८९ वी जयंती उत्साहात संपन्न झाली.

सदर कार्यक्रमाची सुरुवात वसतीगृहाचे अधिक्षक श्री अनिल खेडकर यांनी क्रांतीज्योती सावित्रीबाई फुले यांच्या प्रतिमेचे पूजन करून श्रीफळ फोडून केली. सदर कार्यक्रमासाठी वसतिगृहातील कर्मचारी शुभम गवळी, विकास भोंगाडे, धर्मेंद्र आठवले, शेखर शिरभाते, तुषार पचगाडे, प्रवेशित विद्यार्थ्यांसह माजी विद्यार्थी महेश बुंदे उपस्थित होते.