सुजल वसू या ११ वर्षीय बाल चित्रकाराने प्रशिक्षण न घेता पेन्सिलद्वारे अप्रतिम असे चित्र रेखाटलीत…!

दर्यापूर – महेश बुंदे

अभ्यासाच्या व्यापातून दुरावलेली ही चित्रकला अचानकपणे लॉकडाऊनकाळात जागरूक झाली आणि त्यानंतर दररोज एक याप्रमाणे पेन्सिलच्या माध्यमातून राजकारण्यांसह, पत्रकारांची रेखाचित्रे रेखाटण्यात तो दंग झाला. चित्रकलेचे कुठलेही प्रशिक्षण न घेता या बाल चित्रकाराने आपल्या पेन्सिलमधून दर्यापूर अंजनगाव विधानसभा मतदार संघाचे आमदार बळवंत वानखडे, अमरावती जिल्हा मध्यवर्ती सहकारी बँकेचे अध्यक्ष तथा काँग्रेस कमिटीचे अध्यक्ष सुधाकर पाटील भारसाकळे, जेष्ठ पत्रकार गजानन देशमुख यांची बहारदार चित्रे साकारली.

सुजल चंद्रशेखर वसु असं या ११ वर्षीय बाल चित्रकाराचे नाव आहे. शहरातील बनोसा परिसरात राहणारा सुजल हुबेहूब चित्र रेखाटतो. चित्रकलेमध्ये असलेली बालप्रतिभा तुषारच्या आईवडिलांनी हेरली आणि त्याला चित्र काढण्यास प्रोत्साहन दिले. त्याचे हे पहिले चित्र आजही त्यांनी संग्रहित करून ठेवले आहे. आपल्या कोवळ्या बोटांनी झरझरपणे काही तासात व्यक्तीचित्रे रेखाटतानाचे पाहून मन थक्क होते. हुबेहूब चित्रे काढण्यात त्याचा हातखंडा आहे. ही रेखाचित्रे खूप अप्रतिम आणि रेखीव आहेत. ती पाहिल्यावर जणू फोटो असल्याचाच भास होतो. या सर्व अभिनव उपक्रमाचे कौतुक संत गाडगेबाबा बालगृहात बालगृहाचे संचालक गजानन देशमुख यांच्या मार्गदर्शनाखाली युवा एकता संघटनेचे अध्यक्ष दत्ता पाटील कुंभारकर, उपाध्यक्ष कपीश घुरडे, इंजिनियर जगदीश कुंबलकर, माजी सरपंच पुरुषोत्तम बोरघडे, ठेकेदार जमीर भाई, पत्रकार महेश बुंदे यांनी केले.