खल्लार पोलीस स्टेशनला जिल्हा पोलिस अधीक्षक यांची भेट

दर्यापूर – महेश बुंदे

तालुक्यातील खल्लार पोलीस स्टेशनमध्ये नुकतीच जिल्हा पोलिस अधीक्षक अविनाश बारगळ यांनी भेट देत पोलीस स्टेशन परिसराची पाहणी केली. पोलीस स्टेशन ठाणेदार विनायक लंबे, पोलीस अधिकारी, कर्मचारी यांनी आवारातील ठेवलेला साफसफाईपणा, निटनेटकेपणा याबद्दल जिल्हा पोलिस अधीक्षकांनी अभिनंदन केले.

या भेटी दरम्यान पोलिस स्टेशन खल्लार येथील अधिकारी व अंमलदार यांचे पुष्पगुच्छ देऊन अभिनंदन केले. तसेच सर्व पोलीस कर्मचाऱ्यांना नवीन वर्षाच्या शुभेच्छा दिल्यात. जिल्हा पोलीस अधीक्षक यांनी दिलेल्या आकस्मित भेटीमुळे पोलिसस्टेशनमधील पोलीस अधिकारी, कर्मचारी यांच्यात आनंदाचे व उत्साहाचे वातावरण तयार झाले होते.