दर्यापूर भाजपाच्या वतीने भारतरत्न माजी पंतप्रधान अटल बिहारी वाजपेयी यांच्या जयंतीदिनी सुशासन दिन साजरा

दर्यापूर – महेश बुंदे

भारतीय जनता पार्टी दर्यापूर तर्फे मूर्तिजापूर रोड वरील रवींद्र ढोकने यांच्या कार्यालयात श्रद्धांजली कार्यक्रमाचे आयोजन करण्यात आले. भारत सरकारकडून घोषणा करण्यात आली आहे की, प्रत्येक वर्षी २५ डिसेंबर रोजी सुशासन दिन साजरा केला जावा. माजी पंतप्रधान अटल बिहारी वाजपेयी यांना कामातून श्रद्धांजली अर्पण केली जावी. या दिवशी अटल बिहारी वाजपेयी यांच्या कार्याची आठवण केली जाते. तसेच अनेक ठिकाणी सेमिनार आणि कार्यक्रमाचं आयोजन केलं जातं. त्या माध्यमातून अटल बिहारी वाजपेयी यांच्या व्यक्तित्व आणि कृतित्वाचा परिचय करुन दिला जातो.

कार्यक्रमाच्या सुरुवतीला अटलबिहारी वाजपेयी यांच्या प्रतिमेचे पूजन करून पुष्पहार करून नमन केले, तसेच त्यांच्या जीवनावर प्रकाश टाकण्यात आले, स्व.अटलबिहारी वाजपेयी हे देशाचे नव्हेतर संपुर्ण जागांचे नेते होते, देशात कोणताही पक्ष असो त्यांना आदर्श मानत होते, अटलबिहारी वाजपेयी यांचे नेतृत्व कणखर आणि प्रेनादायी होते. अशा नेताचा आज वाढदिवस त्यांच्या या जयंतीनिमित्त भाजपा दर्यापूर वतीने त्यांना कोटी कोटी नमन करण्यात आले.

यावेळी नवीन पदाधिकाऱ्यांच्या नियुक्त्या जाहीर करण्यात आल्या तसेच त्यांना मान्यवरांच्या हस्ते नियुक्तीपत्र प्रदान करण्यात आले. कार्यक्रमाच्या अध्यक्षस्थानी भारतीय जनता पार्टीचे जिल्हा उपाध्यक्ष बाळासाहेब वानखडे उपस्थित होते. तसेच तालुकाध्यक्ष माणिकराव मानकर, शहराध्यक्ष नाना माहोरे, विजयराव मेंढे, अनिल कुंडलवाल, विठ्ठल बोंद्रे,त्र्यंबकराव बायस्कर, श्रीराम नेहर, मदन बायस्कर, मनीष कोरपे, नंदू ब्राह्मणकर, शंकर भदे, नंदू लोहिया, संजय कांबे, रवींद्र कावरे, जयकुमार धुमाळे, वसंतराव रेवस्कर, संदीप मालठाणे, विनोद धुमाळे, संजय पाठक, पंडित कडू, सुधीर वानखडे, दिपक वाघमारे यांच्यासह भाजपा पदाधिकारी व कार्यकर्ते उपस्थित होते.