दर्यापूर येथील बालगृहाचे संचालक गजानन देशमुख संत गाडगेबाबा सेवा पुरस्काराने सन्मानित

दर्यापूर – महेश बुंदे

दर्यापूर शहरातील बनोसा भागात कार्यरत असणाऱ्या संत गाडगेबाबा मिशन, मुंबई द्वारा संचालित संत गाडगेबाबा बालगृहाचे संचालक,जेष्ठ पत्रकार , तथा समाजसेवक गजाननराव देशमुख यांना लोकशिक्षक श्री संत गाडगेबाबा यांच्या ६५ व्या पुण्यतिथी दिनी संत गाडगेबाबा सेवा पुरस्काराने सन्मानित करण्यात आले आहे.
शब्दशक्ती सार्वजनिक ग्रंथालय व शब्दप्रभू मासिक अमरावती यांचे संयुक्त विद्यमाने आयोजित श्री संत गाडगेबाबा यांच्या ६५ व्या पुण्यतिथीला राज्यस्तरीय संत गाडगेबाबा सेवा पुरस्कार समाजसेवक गजानन देशमुख यांना प्रदान करण्यात आला.

गजानन देशमुख यांनी गेल्या २५ वर्षांपासून संत गाडगेबाबा बालगृहाच्या माध्यमातून असंख्य निराधार, गरीब मुलांना सहारा देऊन त्याचे पालनपोषण केले, त्या बालगृहातील अनेक मुलांना त्यांनी स्वतःच्या पायावर उभं केलं आणि त्याचा विवाह करून आज ते आपले जीवन सन्मानाने जगत आहेत. त्यासोबतच त्यानी पत्रकारिता क्षेत्रात कार्य करत अनेक अन्यायग्रस्त सामान्य नागरिकांचे प्रश्न शासन दरबारी लेखणीच्या द्वारे मांडून त्याना न्याय देण्याचे कार्य केले आहे. दरवर्षी दिवाळीच्यानिमित्ताने गरजू आदिवासी लोकांना दिवाळी फराळ देण्याचे कार्य ते करतात. संत गाडगेबाबा मिशन मुंबई द्वारा वर्षभर होणाऱ्या कार्यक्रमात त्याचा महत्वाचा सहभाग असतो. याच त्याच्या सामाजिक कार्याची दखल घेऊन त्याना राज्यस्तरीय संत गाडगेबाबा सेवा पुरस्कार प्रदान करण्यात आला.

या प्रसंगी श्री विभूषित जगतगुरू रामानंदचार्य स्वामी रामराजेश्वर समर्थ माऊली सरकार पिठाधिपती श्री रुख्मिणी विद्यापीठ कौडण्यापूर, श्री बापूसाहेब देशमुख संत गाडगेबाबा मिशन मुंबई, चंद्रकांत पोपट, नंदलाल खत्री, किशोर खंडेलवाल, रुस्तम सूर्यवंशी, गोपाल उताणे, भोलेश्वर मुदगल,सौ मंजुषा उताणे,योगिता बोडे,जुगलकिशोर गट्टनी,मंजुषा देशमुख,अंकुश मानकर आदी उपस्थित होते. श्री गजानन देशमुख यांना मिळालेल्या पुरस्काराबद्दल त्याचे प्रेस क्लब दर्यापूर, पॉवर ऑफ मीडिया, अमरावती व मित्र परिवार यांच्या वतीने अभिनंदन करण्यात आले आहे.