ॲड.बाळासाहेब आंबेडकर यांच्या अटकेचे चांदूर रेल्वे वंचित बहुजन आघाडीने केला निषेध! राज्यपाल व मुख्यमंत्र्यांना पाठवले निवेदन

चांदूर रेल्वे:-सुभाष कोटेचा/धीरज पवार

ओबीसींचे आरक्षण व ओबीसींची जातिनिहाय जनगणना करावी या मागणीसाठी वंचित बहुजन आघाडीचे संस्थापक अॅड.बाळासाहेब आंबेडकर यांनी २३ डिसेंबरला महाराष्ट्र विधानसभेवर शांततेच्या मार्गाने धडक मोर्चा काढला; मात्र महाराष्ट्र शासनाने दडपशाहीचा वापर करून त्यांना अटक केली. या घटनेचा चांदूर रेल्वे वंचित बहुजन आघाडी यांनी तीव्र शब्दात निषेध केला आणि तसे निवेदन चांदूर रेल्वे तहसीलदार मार्फत राज्यपाल व मुख्यमंत्री यांना पाठविले आहे.

२३ डिसेंबर रोजी वंचित बहुजन आघाडी चे संस्थापक श्रद्धेय ॲड.बाळासाहेब आंबेडकर यांनी ओबीसींचे आरक्षण व व ओबीसींचे जात निहाय जनगणना करावी या मागणीसाठी महाराष्ट्र विधानसभेवर शांततेच्या मार्गाने धडक मोर्चा काढला होता. महाराष्ट्रातील सत्तेतील महाविकास आघाडीने वंचित बहुजन आघाडी चे आंदोलन दडपण्यासाठी श्रद्धेय बाळासाहेब आंबेडकर यांना अटक केली. ही बाब अत्यंत निंदनीय असून या घटनेचा वंचित बहुजन आघाडी,महिला आघाडी व युवा आघाडी तीव्र शब्दात निषेध केला आणि महाराष्ट्र शासनाच्या वतीने केलेली कार्यवाही त्वरित मागे घेण्यात यावी अशी मागणी केली.

केंद्र व राज्य शासनाने ओबीसींचे राजकीय आरक्षण संपवण्याचा घाट घातला त्याचा तीव्र शब्दात निषेध केला आहे. निवेदन देतांना वंचित बहुजन आघाडी चे अमरावती जिल्हा महासचिव प्रा.रवींद्र मेंढे, महिला आघाडीच्या तालुका अध्यक्ष बेबीनंदा लांडगे,उपाध्यक्ष हिरू मेंढे तालुका सचिव अनिता धवणे, शहराध्यक्षा उषा मेश्राम शहर उपाध्यक्षा प्रज्ञा नन्नोरे, शहर सचिव सविता फुलझेले,मिनेश शिंदे,अजय राऊत दिनेश गजभिये यांच्यासह वंचित बहुजन आघाडी,महिला आघाडी व युवा आघाडी,चांदूर रेल्वे चे अनेक कार्यकर्ते उपस्थित होते.