भारतीय महाविद्यालयात पालक सभा संपन्न

बातमी संकलन – महेश बुंदे

भारतीय विद्यामंदिर अमरावती द्वारा संचालित भारतीय महाविद्यालय अमरावती येथे दिनांक २५ डिसेंबर २०२१ रोजी पालक सभा संपन्न झाली. कार्यक्रमाच्या अध्यक्षस्थानी प्राचार्या डॉ. आराधना वैद्य, प्रमुख उपस्थिती डॉ. शर्मिष्ठा कुळकर्णी व्यासपीठावर होत्या.

या प्रसंगी प्राचार्या डॉ. आराधना वैद्य यांनी महाविद्यालया बद्दल माहिती सांगून महाविद्यालयाचा इतिहास अधोरेखित केला. पालकांना असलेल्या समस्या जाणून घेण्याचा त्यांनी प्रयत्न केला. याप्रसंगी सिद्धार्थ तेलंग, संतोष स्थूल, स्वाती निवाणे, ऋतुजा आंबोरे, राजेश पेटकर, विजय कोहळे, अनुज धाबलिया, रजनी ढोक या पालकांनी आपले मनोगत व्यक्त करताना महाविद्यालयातील शिक्षक, महाविद्यालयातील सुविधा, नियमित वर्ग याबद्दल समाधान व्यक्त केले. या कार्यक्रमाचे सूत्रसंचालन डॉ. वैशाली बिजवे, आभार डॉ. मीना डोयीबाले यांनी मानले. या कार्यक्रमासाठी बहुसंख्य पालक प्राध्यापक वर्ग शिक्षक व शिक्षकेतर कर्मचारी उपस्थित होते.