खोलापूर येथील मोटर सायकलच्या अपघातात एकाचा जागीच मृत्यू, एक गंभीर जखमी

दर्यापूर – महेश बुंदे

अमरावती येथील कोर्ट मध्ये कर्तव्यावर असलेले ईटकी व माऊली धांडे येथील दोन नवनियुक्त कर्मचारी मोटर सायकलने अमरावती येथे दररोज ये-जा करीत असतात, मात्र २४ डिसेंबर रोजी त्यांचा खोलापूर नजीक अपघात झाला असून यामध्ये ईटकी येथील अक्षय दिलीप काळे याचा जागीच मृत्यू तर माऊली धांडे येथील शुभम चराटे हा गंभीर जखमी झाला आहे.

जखमींना प्राथमिक उपचार करण्याकरिता दर्यापूर येथील उपजिल्हा रुग्णालयात दाखल करण्यात आले होते. अती रक्तस्त्राव होत असल्याने जखमींला तातडीने अमरावती येथे हलविण्यात आले तर अपघातात मृत झालेल्या व्यक्तीला दर्यापूर येथील उपजिल्हा रुग्णालयात आणण्यात आले. या अपघातात जखमी व मृत झालेल्यांना गोपाल अरबट मित्र मंडळ यांनी तात्काळ मदत देत पुढील उपचारासाठी दाखल केले. पुढिल अधिकचा तपास खोलापूर पोलीस स्टेशन करीत आहे.