अरुण वामनराव शेवाणे यांना साऊथ अभिनेत्री सीमा जाधव यांचे शुभहस्ते राज्यस्तरीय कोरोना योद्धा पुरस्कार प्राप्त

राजेंद्र वाटाणे /अमरावती

भगोरा येथील कलाविष्कार कला क्रीडा व बहुउद्देशीय शिक्षण संस्था र.नं.महा.१२९/२०१५ यांच्याकडून सन २०२१ करिता विविध क्षेत्रातील राज्यस्तरीय पुरस्कारा करिता फेब्रुवारी२०२१ मध्ये प्रस्ताव मागविण्यात आले होते. यामध्ये अंजनगाव सुर्जी तालुक्यातील कापूसतळणी येथील पर्यावरण प्रेमी,कृषीमित्र तथा प्रहार संघटना उपतालुकाप्रमुख अरुण शेवाणे यांच्या कार्याची दखल घेऊन त्यांना राज्यस्तरीय कोरोना योद्धा पुरस्कार साउथ अभिनेत्री सीमा जाधव यांच्या शुभहस्ते व गझल नवाज पंडित भिमराव पांचाळे, सिनेस्टार दीप चहांदे( कट्यार काळजात घुसली फेम), डॉ. श्री. रमेश थोरात (नाट्यकर्मी कचरा हिंदुस्तानी), कोमल भिसे (अभिनेत्री लाल इश्क फेम), आदींच्या उपस्थितीत पुरस्काराचे वितरण करण्यात आले.

कोरोना काळातील पहिल्या संचारबंदीत उपाशीपोटी राहण्याच्या परिस्थिती असलेल्या वयोवृद्ध निराधार ,विधवा ,अपंग ,भिकारी, गरीब व गरजू अश्या १५० लोकांना ४५ दिवस दोन वेळ घरपोच जेवण पुरविले, तसेच गावातील लोकांना कोरोना संसर्गाची लागण होऊ नये म्हणून जनजागृती करून गरजूंना सॅनटायझर, माक्सचे वाटप केले. तसेच बाहेर राज्यातील मजुरांना स्वदेशी पोहचून दिले. इत्यादी कार्याची दखल घेऊन आयोजक समितीने अमरावती जिल्ह्यातुन एकमेव अरुण शेवाणे यांचे निवड करून आज त्यांना पुरस्कार प्रदान करण्यात आला. या पुरस्कारा बद्दल तालुक्यात व जिल्ह्यात कौतुक केल्या जात आहे.