पिंपळोद येथील परशराम महाराज यात्रा यावर्षी सुद्धा रद्द

दर्यापूर – महेश बुंदे

तालुक्यातील सर्वात मोठा यात्रा महोत्सव म्हणून परिचित असणारा, लाखो भाविकांचे श्रद्धास्थान असणारे श्रीक्षेत्र पिंपळोद येथील प.पु. परशराम महाराज यांचा यात्रा महोत्सव कोरोनाचा नवीन विषाणू ओमायक्रॉनच्या पार्श्वभूमीवर यावर्षी सुद्धा रद्द करण्यात आला आहे. भाविकांसाठी दर्शनासाठी मंदिर खुले असणार आहे पण यात्रा महोत्सव रद्द करण्याचा निर्णय स्थानिक प्रशासनाकडून घेण्यात आला आहे.

दरवर्षी पिंपळोद येथे दत्तजयंतीला यात्रेचे आयोजन करण्यात येते. मागील वर्षी कोरोनामुळे येथील यात्रा रद्द करण्यात आली होती तर यावर्षी ओमायक्रॉन विषाणूचा धोका लक्षात घेता,गर्दी टाळण्याच्या उद्देशाने यात्रा रद्द करण्यात आली असुन केवळ भक्तांनाच मंदिरात प्रवेश दिला जाईल, असे परशराम महाराज मंदिराचे व्यवस्थापक मधुकरराव देशमुख यांनी सांगितले आहे.