पंजाबराव कॉलनीत दत्त प्रगट उत्सव महापूजेने साजरा

दर्यापूर – महेश बुंदे

स्थानिक पंजाबराव कॉलनी येथे दत्त जयंतीच्या शुभपर्वावर महापूजेचे आयोजन करण्यात आले होते. विविध फुलांची आरास मांडत वेगवेगळ्या फळांनी महापूजेची षोडपचारे रचना केली होती. दत्ताचे वस्त्र, भव्य रांगोळी, फुलांचा मकर, तांदुळाची रास, इत्यादीनी दत्ताचा मखर बनवण्यात आला होता. श्रीफळ, पपई, केळी, सफरचंद या फळांच्या रचनेसोबत त्यावर केलेली फुलांची मांडणी व दिव्याची आरास त्या महापूजेला शोभा आणत होती. पूजेवर बांधलेला पाळणा सर्वांचे लक्ष वेधून घेत होते. पूजा सुरू होत असताना सर्व भक्त गणांना गायलेली दत्ताची भजने सर्वांना भक्तिमय आनंदात घेऊन गेली होती.

दत्ताच्या पूजा मांडणीत श्री विनोद मेंढे, श्री व सौ. कोलखेडे,श्री. कट्यारमल, श्री. निमकरडे, श्री व सौ. प्रकाश अरबट, रावसाहेब अरबट, श्री. पंडित बारब्दे, श्री. मुगुट बुटे, श्री. खरे, श्री. धुमाळे, प्रा. हरिदास आखरे, सामाजिक कार्यकर्ते महेश बुंदे यांच्यासह कॉलनीतील बहुसंख्य भाविक भक्त उपस्थित होते. पहाटे चार पर्यंत चाललेल्या या पूजेत सर्व भक्तांनी प्रार्थना, स्तोत्र, पदे, भजने, गजर, काकडा, आरती, प्रसाद इत्यादी पदांचे गायन करण्यात आले. दि. १८ डिसेंबर २०२१ रोजी महाप्रसादाचे आयोजन करण्यात आले होते. मंदिराची रोषणाई व मांडलेली पूजा सर्वांचे लक्ष वेधून घेत होते.