येवदा येथे शहीद बिपिन रावत सह 13 अधिकाऱ्यांना सामूहिक श्रद्धांजली

दर्यापूर – महेश बुंदे

हेलिकॉप्टर कोसळून दुर्घटनेत शहीद झालेले संरक्षण दलाचे प्रमुख सीडीएस जनरल बिपिन रावत यांच्यासह त्यांच्या पत्नी मधुलिका रावत व लष्करी अधिकारी ब्रिगेडियर एल. एस. लिडर, लेफ्टनंट कर्नल हरजिंदर सिंग, विंग कमांडर पृथ्वीसिंह चौहाण, कुलदीप सिंह, राणा प्रताप दास, अशक्कल प्रदीप, हवालदार सतपालराय, नाईक गुरुसेवक सिंग, जितेंद्र कुमार, बी. साईतेजा, एल/नायक विवेक कुमार यांना येवदा ग्रामस्थांच्या वतीने दि. १० डिसेंबर २०२१ रोजी सायंकाळी ७ वाजता गांधी चौकात सामूहिक श्रद्धांजली देण्यात आली.

या कार्यक्रमाला सामाजिक कार्यकर्ते नकुल सोनटक्के यांच्यासह कुंदन मोहोड,रोशन हिरुळकर, डॉ. अरुण चोरे, सचिन बोबडे, ज्ञानपाल राऊत, संतोष मुरकुटे, संजय वाघमारे, पंकज कैकाडी उपस्थित होते. यावेळी संरक्षण दलाचे प्रमुख सीडीएस जनरल बिपिन रावत यांच्या प्रतिमेला हारर्पण करून दीपप्रज्वलन करण्यात आले. त्यानंतर या शहिदांना सामूहिक श्रद्धांजली अर्पण करण्यात आली. या कार्यक्रमाचे प्रास्ताविक सामाजिक कार्यकर्ते नकुल सोनटक्के यांनी केले.