शेतकरी शेतमजूर एसटी कर्मचारी पाठोपाठ विद्यार्थ्यांना आत्महत्या करायला प्रवृत्त करणारे हे निर्दयी सरकार.- आमदार प्रताप अडसड

रवी मारोटकर ब्युरो चीफ

अमरावती वार्ता :- स्वतःच्या हव्यासापोटी वेळेवर रद्द करण्यात आलेल्या म्हाडा परिक्षेला आलेल्या विद्यार्थ्यांच्या तिकीटीचे पैसे दुप्पटीने परत करा व संबंधित मंत्र्यांना तातडीने बडतर्फ करा. – आमदार प्रताप अडसड

600-700 किलोमीटर लांबीवरून खाजगी नोकऱ्या दुसऱ्या राज्यात असल्यामुळे आदल्या दिवशी शासकीय नौकरी लागेल या आशेपोटी परिक्षा केंद्रावर आलेल्या विद्यार्थ्यांना आज सकाळी 3.00 वाजता मंत्री महोदय परिक्षा रद्द झाल्याच्या सुचना देतात आणि हास्यास्पद तर तेव्हा वाटतं जेव्हा निर्दयी सरकारचे संबंधित मंत्री म्हणतात की विद्यार्थ्यांचे नुकसान होवू नये म्हणून आम्ही हा निर्णय घेतो आहे. हा प्रकार अगदी आरोग्य भरती प्रक्रियेला अनूसरून असल्याचे निदर्शनास येते आहे. वारंवार राज्य सरकार विद्यार्थ्यांच्या भवितव्याशी खेळत असून हा प्रकार निंदनीय आहे ज्याचा आम्ही निषेध करतो असे आमदार प्रतापदादा अडसड यावेळी म्हणाले.