कोयत्याचा धाक दाखवुन जबरी चोरी करणा-या दोघा सराईतांना चाकण पोलीसांकडुन अटक

चाकण :- दिनांक ३०/०७/२०२१ रोजी सकाळी ०५/०० वा. चे सुमारास चाकण येथील आंबेठाण रोडने फिर्यादी गणेश लक्ष्मण भालेराव वय २५ वर्षे धंदा नोकरी रा. आंबेठाण चौक चाकण ता खेड जि पुणे हे कोरोना लस घेण्यासाठी नंबर लावण्यासाठी पायी चाकण ग्रामीण रुग्णालयाकडे जात असतांना मोटार सायकल वरील दोन अनोळखी चोरटयांनी त्यांना रस्त्यात अडवुन लोखंडी कोयत्याचा धाक दाखवत त्यांचेकडील मोबाईल फोन व रोख रक्क असा एकुण ७,०००/- रू. चा मुददेमाल जबरीने चोरी करून मोटार सायकल वरून पळुन गेले होते.

त्याबाबत चाकण पोलीस स्टेशन गुरनं १५०७ / २०२१ भादवि कलम ३९२, ३४१, ३४ सह भारतीय हत्यार कायदा कलम ४/२५ प्रमाणे गुन्हा दाखल करण्यात आलेला होता.

सदर गुन्हयाचे तपासात चाकण पोलीस स्टेशन कडील गुन्हे शोध पथकाकडुन सदर गुन्हयातील आरोपींचे वर्णन व गुन्हयात वापरलेली मोटार सायकल व गोपनीय माहितीचे आधारे सराईत गुन्हेगार १) संतोष एकनाथ घोंगटे, वय १९ वर्षे, रा. शिक्षक कॉलणी, सोनवणे यांचे खोलीत चाकण ता. खेड जि पुणे २) चंद्रकांत अशोक कु-हाडे, वय १९ वर्षे, रा. खंडोबा माळ, चाकण ता. खेड जि. पुणे यांना ताब्यात घेवून त्यांचेकडे अधिक चौकशी केली असता त्यांनी सदर गुन्हयाची कबुली दिली.

त्यांना सदर गुन्हयात अटक करण्यात आलेली असुन त्यांचेकडुन सदर गुन्हयातील जबरीने चोरून नेलेला विवो कंपनीचा मोबाईल फोन तसेच गुन्हा करण्यासाठी वापरलेली मोटार सायकल, लोखंडी कोयता असा एकुण ५५,५००/- रू. चा मुददेमाल जप्त करण्यात आलेला आहे. सदर आरोपींची मा. प्रथमवर्ग न्यायदंडाधिकारी सो खेड यांनी दिनांक १३/१२/२०२१ रोजी पावेतो पोलीस कोठडी रिमांड दिलेली असुन सदर गुन्हयाचा सखोल तपास चालु आहे.

सदरची कारवाई मा. पोलीस आयुक्त, श्री कृष्ण प्रकाश साहेब, अपर पोलीस आयुक्त, श्री. संजय शिंदे, पोलीस उप आयुक्त, परिमंडळ – १ श्री. मंचक इप्पर, सहा. पोलीस आयुक्त, प्रेरणा कटटे यांचे सुचना व मार्गदर्शना खाली वरिष्ठ पोलीस निरीक्षक श्री. वैभव शिंगारे, सहायक पोलीस निरीक्षक, विक्रम गायकवाड, सफौ सुरेश हिंगे, पोहवा संदिप सोनवणे, ऋषीकुमार झनकर, राजू जाधव, पोना भैरोबा यादव, हनुमंत कांबळे, मनोज साबळे, मच्छिंद्र भांबुरे, निखील शेटे, पोकॉ निखील वर्पे, प्रदिप राळे, नितीन गुंजाळ यांनी केलेली असुन सदर गुन्हयाचा अधिक तपास सहायक पोलीस निरीक्षक विक्रम गायकवाड हे करीत आहेत.