बोराळा (आराळा) येथे “श्रीं”च्या पालखीचे स्वागत,टाळ मृदंगाचे सुर निनादले

दर्यापुर – महेश बुंदे

टाळ मृदंगाच्या सुरात ‘गण गणात बोते’ चा गजर करीत अमरावती येथून आलेल्या “श्रीं” च्या पालखीचे बोराळा (आराळा) येथे दि. २ डिसेंबर रोज गुरूवारला सकाळी ११ वाजता आगमन झाले. यावेळी सोशल डिस्टेन्स ठेऊन पालखीचे, वारकऱ्यांचे स्वागत करून दर्शन घेतले. त्यानंतर ही पालखी शेगावकडे रवाना झाली.

अमरावती येथील भाविक भक्त दरवर्षी “श्रीं” ची पालखी सोहळा सोबत पायी शेगावला संत गजानन महाराज यांच्या दर्शन करीता जात असतात. वारकरी मंडळी यांना काही वेळ विश्रांती मिळावी यासाठी अजीतपुर येथील पोलिस पाटील प्रदीप पाटील निशाने यांच्या शेतात मंडप उभारण्यात आला होता. इथेच महाप्रसादाचे देखील आयोजन करण्यात आले होते. ‘गण गणात बोते’ सह अनेक हरिनाम भक्तिगीते सादर केल्याने आजुबाजुच्या परिसरात टाळ मृदंगाचे सुर निनादले. महाराष्ट्रातील लाखो भाविकांचे श्रद्धास्थान असलेल्या शेगाव येथील संत गजानन महाराज संस्थानकड़े दुपारी २ वाजता या पालखीने प्रस्थान केले.

प्रत्यक्ष गजानन महाराज या दिंडीत वारकऱ्यासोबत पायी चालतात अशी भावना भाविकांची असल्याने हजारो भाविक श्रद्धेने या दिंडीत सहभागी होत असतात. यावेळी अजीतपुर येथील पोलिस पाटील प्रदीप पाटील निशाने, गोविंदा पाटील डीके, गुरुप्रसाद करूले, सुरेश निशाने, हरीश कुकलकर, महादेव टाले, किशोर कडु, डिगंबर कळस्कर, मेघश्याम कुकलकर, गजानन निशाने, संजय निशाने, सुरेश निशाने, पंजाबराव कडु यांच्या सह अनेक गावकरी मंडळी उपस्थित होते.