हिवाळी – २०२१ परीक्षेकरीता ऑनलाइन परीक्षा आवेदनपत्र भरण्याबाबत विद्यार्थ्यांना सूचना

दर्यापूर – महेश बुंदे

संत गाडगे बाबा अमरावती विद्यापीठाशी संलग्नित सर्व संबंधित विद्यार्थ्यांना सुचित करण्यात येते की, शैक्षणिक सत्र २०२१-२२ च्या हिवाळी २०२१ करिता सर्व अभ्यासक्रमाला नियमित प्रवेशित (विषय सत्रांचे) विद्यार्थ्यांनी परीक्षा आवेदनपत्रे दि. ३० नोव्हेंबर ते १० डिसेंबर, २०२१ या कालावधीत तसेच माजी विद्यार्थ्यांनी (सत्र सत्र / विषय सत्र) परीक्षांचे परीक्षा आवेदनपत्रे दि. ६ ते १० डिसेंबर, २०२१ या कालावधीत ऑनलाईन प्रणालीद्वारे भरावयाचे आहेत.

महाविद्यालयांनी यापूर्वी हिवाळी – २०२० परीक्षेकरीता वितरित केलेल्या लॉगिन आय.डी आणि पासवर्ड द्वारे https://sgbau.ucanapply.com या संकेतस्थळावर जाऊन स्टुडंट यावर क्लिक करून विद्यार्थ्यांनी आपले ऑनलाइन परीक्षा आवेदनपत्र भरावयाचे असून भरलेल्या आवेदनपत्राची प्रिंट काढून आवश्यक त्या परीक्षा शुल्कासह महाविद्यालयात जमा करावयाची आहे. ज्या नियमित विद्यार्थ्यांना किंवा माजी विद्यार्थ्यांना (गॅप स्टुडंन्ट) ऑनलाइन हिवाळी २०२१ परीक्षेकरीता लॉगिन आय.डी आणि पासवर्ड महाविद्यालयांकडून प्राप्त झालेले नसतील त्यांनी महाविद्यालयात जाऊन ऑनलाइन पोर्टलमार्फत नोंदणी करून लॉगिन आय.डी आणि पासवर्ड घ्यावयाचा आहे.