दर्यापूर प्रहार जनशक्ती पक्षाच्या तालुका अध्यक्षपदी डॉक्टर दिनेश म्हाला तर युवा अध्यक्षपदी विक्की होले यांची नियुक्ती

दर्यापूर – महेश बुंदे

प्रहार जनशक्ती पक्षाचे संस्थापक अध्यक्ष मा. श्री नामदार राज्यमंत्री बच्चू कडू यांच्या उपस्थितीमध्ये अमरावती येथे कार्यकारणीची नुकतीच बैठक संपन्न झाली.

यामध्ये दर्यापूर तालुका नवनिर्वाचित प्रहार संघटनेमध्ये पदाधिकाऱ्यांची नियुक्ती करण्यात आली. हे नियुक्ती राज्यमंत्री बच्चू कडू यांच्या उपस्थितीमध्ये करण्यात आली. यामध्ये दर्यापूर तालुका अध्यक्ष पदी डॉक्टर दिनेश म्हाला यांची नियुक्ती करण्यात आली तर युवा तालुका प्रमुख पदी विक्की होले यांची नियुक्ती करण्यात आली. शहर प्रमुखपदी प्रविन कासारकर, उपतालुका प्रमुखपदी आकाश घटाळे यांची नियुक्ती करण्यात आली. सर्व पदाधिकाऱ्यांना पुढील वाटचालीस राज्यमंत्री बच्चू कडू यांनी शुभेच्छा दिल्या. यावेळी प्रहार जिल्हाप्रमुख वसू महाराज, ज्येष्ठ मार्गदर्शक बापू साबळे, तथा जिल्हा संपर्कप्रमुख प्रदीप वडतकर, महेश कुरळकर प्रदीप चौधरी, शंभू मालठाणे आदी मान्यवर उपस्थित होते.