कोकीळाबाई गावंडे महिला महाविद्यालयात संविधान दिन संपन्न…!

दर्यापूर – महेश बुंदे

श्रीमती कोकीळाबाई गावंडे महिला महाविद्यालयात दिनांक २६ नोव्हेंबर २०२१ ला भव्य स्वरूपामध्ये संविधान दिनाचे आयोजन करण्यात आले. संविधानाच्या उद्देश पत्रिकेचे वाचन, निबंध स्पर्धा व प्रश्नमंजुषा या कार्यक्रमांचे आयोजन देखील करण्यात आले होते.

सदर कार्यक्रमाच्या अध्यक्षस्थानी महाविद्यालयाचे प्राचार्य डॉ. अविनाश चौखंडे तर प्रमुख अतिथी म्हणून सुरेश कानुंनगो व उपप्राचार्य डॉ. रवी डाखोरे उपस्थित होते. प्रथमत: संविधान निर्माते महामानव बाबासाहेब आंबेडकर यांच्या प्रतिमेचे पूजन समारंभाचे अध्यक्ष व प्रमुख अतिथी यांच्या हस्ते करण्यात आले. सोबतच संविधानाचे सुद्धा पूजन करण्यात आले. भारतीय संविधानाचे स्वरूप पाहता अंशत: परिवर्तनीय व अंशत: परिदृढ असणारे हे संविधान जगातील सर्वात मोठे संविधान असून त्याचं वैशिष्ट्य काय आहेत. देशातील कायदा व सुव्यवस्था अबाधित राखण्यासाठी देशाचा स्वातंत्र्य अबाधित राखण्यासाठी आणि कायद्यासमोर सर्व समान असणाऱ्या सर्व बाबींचा यामध्ये समावेश आहे तर हक्क व कर्तव्य ह्या प्रत्येकानी समजून घ्याव्यात असे आवाहन करीत एकूण कलमे व सर्व परिशिष्टये या सर्व बाबींवर प्रास्ताविकातून राष्ट्रीय सेवा योजनेचे कार्यक्रम अधिकारी डॉ. हरिदास आखरे यांनी प्रकाश टाकला.

यावेळी राष्ट्रीय सेवा योजनेचे क्षेत्रीय समन्वयक डॉ. गजानन हेरोळे यांनी संविधानाच्या उद्देश पत्रिकेचे वाचन केले. त्यांच्या सोबतच सर्व प्राध्यापकवृंद, शिक्षकेत्तर कर्मचारी व विद्यार्थिनी यांनी संविधान वाचना साठी सहभाग घेतला होता. याच दिवशी २६/११ ला मुंबई हल्ल्यात शहीद झालेल्या पोलिसांनाही श्रद्धांजली अर्पण करण्यात आली. सदर कार्यक्रमासाठी सर्व प्राध्यापक वृंद व बहुसंख्य विद्यार्थिनी उपस्थित होते. कार्यक्रमाचे संचालन डॉ. हरिदास आखरे यांनी केले. राष्ट्रीय सेवा योजनेच्या महिला कार्यक्रम अधिकारी डॉ. ज्योती हावरे यांनी उपस्थितांचे आभार मानले. संविधान दिनाच्या या कार्यक्रमास सर्व प्राध्यापक वृंद व शिक्षकेतर कर्मचारी यांनी यशस्वी करण्यासाठी परिश्रम घेतले.