अर्चना पखान रणरागिणी २०२१ या पुरस्काराने सन्मानित

प्रतिनिधी महेश बुंदे , दर्यापूर:-

निःस्वार्थीपणे कार्य करणाऱ्या अंजनगाव सुर्जी येथील
भाजपा महिला आघाडी जिल्हाध्यक्षा सौ. अर्चना पखाण यांना रणरागिणी पुरस्कार २०२१ या मानाच्या पुरस्काराने सरपंच सेवा महासंघ आणि सरपंच माझा न्यूज चायनलच्या वतीने माजी शिक्षणमंत्री वसंत पुरके यांच्या हस्ते नुकताच प्रदान करण्यात आला. फुले, शाहू, आंबेडकरी विचारांच्या विदर्भातील सुप्रसिद्ध सामाजिक प्रबोधनकार, उत्कृष्ट वक्ता, राज्यस्तरीय सामाजिक पुरस्कार त्यांना त्यांच्या विविध क्षेत्रातील सामाजिक कार्याबद्दल मिळालेत,

या सोहळयाला
प्रमुख उपस्थितीत सरपंच माझा न्यूज चॅनलचे मुख्य संपादक रामनाथ बोऱ्हाडे, संघटनेचे राज्याध्यक्ष पुरुषोत्तम घोगरे, जी. प. च्या महिला व बालविकास सभापती जया पोटे, माजी जी प अध्यक्ष, कॉटन मार्केटचे संचालक वाढोनकर तसेच अनेक मान्यवरांच्या उपस्थिततीत पार पडला, विदर्भातील विविध ठिकाणच्या महिलांचा यावेळी पुरस्कार देऊन सन्मान करण्यात आला. या मिळालेल्या पुरस्काराबद्दल संघटनेचे आणि चॅनलचे त्यांनी आभार मानले, सर्वच स्तरातून ह्या पुरस्कारबद्दल कौतुकाचा वर्षाव होत आहे.