दर्यापूर शहर पोलीस ठाण्यात शांतता समितीची बैठक

दर्यापूर – महेश बुंदे

त्रिपुरा येथील घटने संदर्भात व अमरावती येथे काढण्यात आलेल्या निषेध मोर्चा दरम्यान कायदा व सुव्यवस्था अबाधित राहावी या पार्श्वभूमीवर दि. १३ नोव्हेंबर २०२१ रोजी सायंकाळी दर्यापूर शहर पोलीस ठाण्यात शांतता समितीच्या बैठकीचे आयोजन करण्यात आले होते. पोलीस निरीक्षक प्रमेश आत्राम यांनी सभेमध्ये गावात शांतता व सुव्यवस्था कायम राहावी, व्हाट्सअप, फेसबुकवर आलेल्या अफवांवर विश्वास ठेवू नये असे आवाहन केले.

यावेळी सहाय्यक पोलीस निरीक्षक किरण औटे, नापोका शरद सारसे, सुनिल साबळे, बजरंग इंगळे यांच्यासह सर्व राजकीय पक्ष पदाधिकारी, मस्जीद ट्रस्टी तसेच प्रतिष्ठित नागरिक व शांतता समितीमधील सदस्य उपस्थित होते.