श्री हनुमान मंदिर देवस्थान संस्थान चाकण यांच्या वतीने काकडा आरती सोहळा

चाकण वार्ता प्रतिनिधी :- उठा पांडुरंगा आता दर्शन द्या सकळा l झाला अरुणोदय सरली निद्रेची वेळा l संत साधुमुनी अवघे झालेती गोळा l सोडा शेजसुख आता पाहू द्या मुखकमळा ll अशा काकड आरतीच्या अभंगातून चाकण नगरीत भक्तिमय मंगलमय वातावरण निर्माण झाले आहे.

संताची भूमी असलेल्या खेड तालुक्यातील चाकण गावांमध्ये हे सांस्कृतिक वैभव या काकड आरतीमधून आजवर टिकून आहे. भल्या पहाटे प्रत्येक गावात ज्येष्ठ मंडळी, महिला वर्ग व बालचमुसह काकडारतीला हजेरी लावून परंपरा जोपासत आहे

चाकण मधील नेहरु चौक येथे असलेले दक्षिणमुखी हनुमान मंदिर हे असंख्य भाविक भक्तांचे श्रद्धास्थान असलेले हे देवस्थान मध्ये दरवर्षी परंपरेनुसार नेहरू चौक श्री हनुमान मंदिर देवस्थान संस्थान चाकण यांच्या वतीने
20/10/2021 ते 20/112021 असा महिनाभर काकडा आरती सोहळा सुरु आहे.व काकडा आरती सोहळा समाप्ती 21 नोव्हेंबर रोजी महाप्रसादचे आयोजन हनुमान मंदिर देवस्थान च्या वतीने करण्यात आले आहे.

काकडा आरती सोहळ्याचा आनंद घेण्यासाठी रोज साधारण दोनशे भाविकांची उपस्थिती भल्या पहाटे मंदिरात असते. रोज भजन, कीर्तन सोहळा व महिला भगिनींची उपस्थिती सुद्धा आरतीचे, निरंजन लावून आणलेले ताट या सोहळ्याची शोभा वाढवतांना दिसत आहे. रोज असणारे पूजेचे मानकरी यांच्या वतीने भाविकांना चहा व नाष्टा याचे आयोजन केले जाते.