कृषि केंद्रातून चोरी करण्याच्या प्रयत्नात असलेल्या युवकास अटक,पेट्रोलिंग दरम्यान कारवाई…

दर्यापूर – महेश बुंदे

चंद्रपूर (खल्लार) येथील बसस्थानका जवळ असलेल्या एका कृषि केंद्राच्या शेटरजवळ चोरी करण्याच्या बेतात असलेल्या १९ वर्षीय युवकास पेट्रोलिंग दरम्यान खल्लार पोलिसांनी ताब्यात घेऊन अटक केली. बुधवारच्या मध्यरात्री ३.१५ वाजताच्या सुमारास खल्लार पोलिस स्टेशनचे सहाय्यक पोलिस उपनिरीक्षक राजु विधळे हे चालक संतोष चव्हान सह पोलिस गाडीने पेट्रोलिंग करीत असताना त्यांना चंद्रपुर (खल्लार) येथील बस स्टँडवर असलेल्या एका कृषि केंद्राच्या शेटरजवळ पिकेश मंजुसिंग राठोड वय १९ रा मोठेखेडा ता. धारणी हा युवक चोरी करण्याच्या प्रयत्नात आढळून आला त्या युवकास लगेच ताब्यात घेऊन पोलिस स्टेशनला नेण्यात आले व त्याच्याविरुध्द कलम १२२ नुसार गुन्हा दाखल करण्यात आला. हि कारवाई ठाणेदार विनायक लंबे यांच्या मार्गदर्शनात खल्लार पोलिसांनी केली आहे.