पुणे /श्री संत सेना महाराज पुण्यतिथी सोहळा उत्सवात साजरी

पुणे वार्ता:- नाभिक समाजाचे आराध्य दैवत वारकरी संप्रदायातील संतसेना महाराज यांची पुण्यतिथी विविध कार्यक्रमांचे आयोजन करून मोठ्या उत्साहात साजरी करण्यात आली.

श्री संत सेना महाराज पुण्यतिथी सोहळा सोमवार दिनांक 11 सप्टेंबर 2023 रोजी सिंहगड रोड माणिक बाग येथील परिणय मंगल कार्यालयात मोठ्या उत्साहात पार पडला.

यावेळी सकाळी नऊ वाजता संत सेना महाराज मूर्तीला अभिषेक व महापूजा करण्यात आली सकाळी अकरा वाजता कीर्तनकार हभप स्वप्नाली ताई तूकेश सपकाळ पुणे यांचे सुश्राव्य कीर्तन तसेच गायनाचार्य हभप रामदास महाराज थोरात आळंदी जीवदर्शन आध्यात्मिक वारकरी शिक्षण संस्था श्री ह भ प कृष्णा महाराज आळंदी वादक श्री ह भ प अमोल महाराज आळंदी गायक यांची साथ आळंदी मधील संस्थेची लहान वारकरी मुले तसेच सामाजिक राजकीय स्तरातील मान्यवर पदाधिकारी व मोठ्या प्रमाणावर नाभिक समाज बांधव उपस्थित होते.

कार्यक्रमाचे नियोजन सिंहगड नाभिक विकास मंडळ पुणे सर्व पदाधिकारी कार्यकर्ते व समाज बांधवांनी केले होते. यावेळी समाजातील महिला मंडळ ग्रामस्थ मोठ्या संख्येने उपस्थित होते.