शेतीला पूरक व्यवसाय म्हणून दुग्धविकासाला चालना द्या- आमदार बळवंत वानखडे

मदर डेअरी व दुग्ध विकास विभागाच्या आढावा बैठकीत निर्देश

दर्यापूर – महेश बुंदे

दर्यापूर तालुक्यात शेतीला पूरक व्यवसाय म्हणून मदर डेअरी प्रा ली अंतर्गत दूध संकलन केंद्र सुरू करणेबाबतची आढावा बैठक आज तहसील कार्यालय दर्यापूर येथे पार पडली. दर्यापूर तालुका खारपाण पट्टयाचा असून सिंचनाची सोय नसल्याने शेतीला जोडधंदा म्हणून शेतीपूरक व्यवसाय तसेच रोजगार निर्माण होण्याच्या दृष्टीने दूधविकासाला चालना मिळणे आवश्यक आहे. त्या अनुशंघाने दर्यापूर विधानसभा मतदारसंघाचे आमदार बळवंत वानखडे यांच्या विनंतीने सुनिल केदार यांच्या अध्यक्षतेखाली मदर डेअरीचे दूध संकलन केंद्र सुरु करणेबाबत १० एप्रिल २०२२ रोजी अमरावती येथे बैठक पार पडली .

सदर बैठकीत दर्यापूर तालुक्यात मदर डेअरीचे दूध संकलन केंद्र सुरु करणेबाबत मंत्त्रीमहोदयांनी निर्देश दिले होते. मंत्री महोदय यांच्या निर्देशानुदार पशुसंवर्धन व दुग्धविकास विभाग व मदर डेअरी यांच्या संयुक्त विद्यमाने दूध संकलन केंद्र सुरु करणेबाबत दर्यापूर तालुक्यात संकलन मार्ग व संकलन क्षमतेचि चाचपणी करणेबाबत सर्वेक्षण सुरु झाले आहे. सदर संकलन केंद्र सुरु करणेबाबत आज आढावा बैठक पार पडली सदर आढावा बैठकीत दूध उत्पादन वाढीसाठी बचत गटांना दुधाळ जनावरांचे वाटप , शेतकऱ्याना जोडधंद्यासाठी दुधाळ जनावरांचे वाटप तसेच पशुसंवर्धन , कृषी , व ग्रामविकास विभागाच्या दूध उत्पादन वाढीच्या दृष्टीने महत्वाच्या वैयक्तिक व सामूहिक लाभाच्या योजना शेतकऱ्यापर्यंत पहोचवुन दुग्धविकासाला चालना आणि ग्रामीण भागात रोजगार निर्माण करण्याचे देण्याचे निर्देश आमदार बळवंत वानखडे यांनी दिले.

सदर बैठकीला मदार डेअरीचे प्रोजेक्ट डायरेक्टर सतीश राजू , एनडीडीबी अधिकारी मुकेश झा , कावरे उपायुक्त पशुसंवर्धन व दुग्धविकास अमरावती श्री सोनोने , जिल्हा पशुसंवर्धन अधिकारी अमरावती , डॉ. योगेश देशमुख तहसीलदार दर्यापूर , श्री रायबोले गटविकास अधिकारी प स दर्यापूर , देशमुख सहायक आयुक्त , पशुसंवर्धन विभाग , दर्यापूर राष्ट्रीय ग्रामीण जीवनन्नोती अभियान (उमेद ) चे अधिकारी व इतर संबंधित अधिकारी उपस्थित होते.