सहकार नगरातून चक्क विजेचे मीटर चोरट्याने चोरले,पोलिसात तक्रार मीटर चोरीची सर्वत्र चर्चा

दर्यापूर – महेश बुंदे

चोरट्यांकडून आजवर सोने, पैसा, मोटर सायकल किंवा घरातील सामानाची चोरी करण्याचे आपण ऐकले आहे मात्र सहकार नगर येथील एका घरून विजेचे मीटर चोरट्याने चोरल्याने या चोरीची मात्र सर्वत्र आश्चर्याने चर्चा होताना दिसत आहे. सहकार नगरात राहणारे प्रमोद सेवकराम सुलताने हे काल रात्री घरातील लाईट बंद करून झोपी गेले, सकाळी उठून पाहतो तर घरातील सर्वच पंखे बंद झालेले त्यांना आढळले, यावरून त्यांनी लाईट गेली असावी असा अंदाज बांधून काही वेळ वाट बघितली शेजारी पाजारी यांच्या घरातून कुलरचे आवाज येत असल्याने साशंक होऊन त्यांनी लाईट आली का म्हणून शेजारी चौकशी केली, यावर लाईट गेलीच नाही लाईट आहे असे उत्तर मिळाल्यावर त्यांच्याच घरची लाईन कशी काय गेली म्हणून ते वीज मीटर असलेल्या ठिकाणी तपासण्याकरता गेले पाहतो तर वीस मीटर गायब,

या बाबत त्यांनी आसपास शोधाशोध नाही घेतली मात्र जेव्हा वीस मीटरचा चोरीला गेले तर लाईन कुठली येणार शेजारी-पाजारी सुद्धा या चोरीने आश्चर्यचकित झाले, घरातील सर्व साहित्य व घरासमोर उभी असलेली दुचाकी सुद्धा जैसे थे स्थितीमध्ये होती मात्र विजेचे मीटर चोरीला गेल्याने परिसरात सर्वत्र चर्चेचा विषय ठरला प्रमोद सुलताने यांनी तातडीने विज विभागाला मोबाईल वरून सूचित केले मात्र त्यांनीही तातडीने वीज मीटर देण्यास हतबलता दाखवल्याने अखेर सुलताने यांनी दर्यापूर पोलिसात यासंबंधात रितसर तक्रार केली आहे दर्यापूर पोलिसांनी अज्ञात वीज मीटर चोरट्या वर विविध कलमान्वये गुन्हे दाखल केले आहेत.