लहुजी शक्ती सेनेच्या जिल्हा युवा संघटकपदी संतोष गवळी

प्रतिनिधी फुलचंद भगत

वाशिम – मातंग समाजातील विविध आर्थिक, सामाजीक आणि शासकीय स्तरावरील समस्या सोडविण्यासाठी लढा देणार्‍या लहुजी शक्ती सेनेची बैठक ५ एप्रिल रोजी स्थानिक विश्रामगृहात घेण्यात आली. या बैठकीत सर्वसहमतीने संघटनेच्या जिल्हा युवा संघटकपदी संतोष गवळी यांची निवड करण्यात आली.

बैठकीला मार्गदर्शक म्हणून राज्य कार्यकारणी सदस्य कैलास थोरात तर अध्यक्षस्थानी कचरु झोंबाडे, प्रमुख पाहुणे म्हणून विद्यार्थी सेना जिल्हाध्यक्ष राहुल खरात यांची उपस्थिती होती. यावेळी राज्य सदस्य कैलास थोरात यांच्या आदेशानुसार लहुजी शक्ती सेनेच्या जिल्हा युवा संघटकपदी संतोष गवळी यांची निवड करुन त्यांना जिल्हाध्यक्ष कचरु झोंबाडे, विद्यार्थी जिल्हाध्यक्ष राहुल खरात व अन्य उपस्थित मान्यवरांच्या हस्ते नियुक्तीपत्र देण्यात आले. बैठकीला जिल्हा उपाध्यक्ष महादेवराव खंडारे, मोहनराव दुतोंडे, जिल्हा संपर्कप्रमुख आकाश कांबळे, देवानंद खरे, मनोज खडसे, रवि खडसे, लखन गवळी, श्रावण गवळी, वैभव इंगोले आदींची उपस्थिती होती.