वृध्द दाम्पत्यांना मदत….. रासेयो च्या स्वयंसेवकांचा पुढाकार…..

प्रतिनिधी ओम मोरे

संत गाडगेबाबा अमरावती विद्यापीठ अमरावती संलग्नित श्रीमती साळुंकाबाई राऊत महाविद्यालय वनोजा रासेयो आपत्ती व्यवस्थापन बचाव पथकाच्या सदस्यांनी आज आदिवासी बहुल फेट्रा गावातील वृद्ध दांपत्यांना जीवनावश्यक किराना अन्नधान्य किट चे वितरण केले.यासोबतच त्यांच्या सोबत वेळ घालविला.

संत गाडगेबाबांनी सांगितलेल्या दशसुत्री नुसार हे स्वयंसेवक आज कार्य करीत आहेत. यावेळी या वृध्द दांपत्यांना वेळोवेळी आवश्यक त्या सर्व प्रकारची मदत पथकाच्या वतीने करण्यात येणार आहे .संगाबाअवि रासेयोचे संचालक डाॅ. राजेश बुरूंगे, महाविद्यालयाचे प्राचार्य डाॅ. देवेंद्र गावंडे , समन्वयक प्रा. बापूराव डोंगरे यांच्या मार्गदर्शनाखाली हा उपक्रम राबविण्यात आला.