पाबळ | विहिरीत पडलेल्या उदमांजरास सुरक्षितरित्या बाहेर काढण्यात यश

प्रतिनिधी गणेश टिळेकर

पुणे वार्ता:- पाबळ येथील चौधरी वस्तीमधील सुरज सोंडे हे विहिरी वरती गेले असता विहिरीमध्ये उदमांजर पडले असल्याचे त्यांच्या निदर्शनास आले.

त्यांनी त्वरित तळेगाव येथील प्राणीमित्र गणेश टिळेकर यांना कळवले काही वेळातच गणेश टिळेकर तेथे हजर झाले विहीर खोल असून पायऱ्या नसल्याने कॅरेट व रस्सी च्या सहाय्याने राजाराम शिवले, काळूराम चौधरी, भिमाजी चौधरी, यांच्या मदतीने गणेश टिळेकर यांनी त्या उदमांजरास सुरक्षितरित्या बाहेर काढण्यात यश आले.

उदमांजर विहिरी बाहेर काढल्यानंतर वन विभागाचे वनरक्षक ऋषिकेश लाड व वनपरिक्षेत्र अधिकारी मनोहर म्हैसकर यांच्या मार्गदर्शनाखाली वनरक्षक प्रमोद पाटील यांच्या उपस्थितीमध्ये योग्य आधिवासात सोडून दिले.यावेळी प्राणी मित्र गणेश टिळेकर, रोहित मुळे, व शुभम वाघ हे उपस्थित होते.

नैसर्गिक शत्रूकडून होणारा पाटलाग व वाढत्या उन्हामुळे पाण्याच्या शोधात आलेले वन्यजीव विहिरीमध्ये पडण्याचे प्रमाण उन्हाळ्याच्या काळामध्ये वाढते अशा पद्धतीची कुठलीही घटना घडल्यास त्वरित प्राणी मित्रांना कळवावे अशी विनंती प्राणीमित्र गणेश टिळेकर यांनी केली.

नेचर गार्ड ऑर्गनायझेशन अध्यक्ष महाराष्ट्र राज्य