दर्यापूर | ३४ वर्षीय तरुणाची गळफास घेऊन आत्महत्या

दर्यापुर – महेश बुंदे

स्थानिक बाभळी येथील वाकोडे पुरा परिसरातील युवकाने राहत्या घरी गळफास घेऊन आत्महत्या केल्याची घटना गुरवार (दि.३) सकाळी उघडकीस आली आहे. या दुर्दैवी घटनेने सर्वञ हळहळ व्यक्त होत आहे. आत्महत्या करणा-या युवकाचे नाव मनीष मनोहर राऊत (वय.३४) असे आहे.

अत्यंत मनमिळावू स्वभाव असलेला मनीष हा शहरातीलच खाजगी बँकेत लिपीक म्हणून नौकरीवर होता. सदर युवकाने मध्यरात्री कुटूंबीय झोपले असताना लगतच्या खोलीत गळफास लावून आत्महत्या केली. गुरुवारी सकाळी घटना समजताच परिसरातील नागरिकांनी गर्दी केली होती. शवविच्छेदनानंतर गुरवारी दुपारी शोकाकुल वातावरणात अत्यंसस्कार पार पडले. मुतक मनीषच्या मागे आई-वडील, लहान भाऊ, विवाहित बहीण असा आप्त परिवार आहे. आत्महत्तेंचे नेमके कारण अद्याप कळले नसून दर्यापुर पोलिसांनी आकस्मिक मुत्यूंची नोंद केली आहे.