दर्यापूर येथे मनसे तर्फे मराठी भाषा दिन साजरा

दर्यापूर – महेश बुंदे

सुप्रसिद्ध मराठी साहित्यिक, ज्ञानपीठ पुरस्कार प्राप्त कुसुमाग्रज यांच्या जयंती दिनाचे औचित्य साधून
महाराष्ट्र नवनिर्माण सेना, दर्यापूर तर्फे मराठी भाषा दिन साजरा करण्यात आला. मनसेचे शहराध्यक्ष लकी पाटील गावंडे यांच्या नेतृत्वात सदर उपक्रमाचे आयोजन करण्यात आले होते, यानिमित्ताने शहरातील विविध शाळांना मराठी लेखकांनी लिहिलेली पुस्तके शालेय ग्रंथालयासाठी भेट देण्यात आली. तसेच विद्यार्थ्यांना व शिक्षकांना मराठी भाषा संवर्धन विषयी शपथ देण्यात आली.

याप्रसंगी मनसेचे माजी जिल्हाध्यक्ष राजेंद्र गायगोले यांनी विद्यार्थ्यांना मराठी भाषा दिन साजरा करण्यामागील भूमिका स्पष्ट केली. तसेच मराठी भाषा निर्मितीचा इतिहास विषद केला. या उपक्रमाला मनसे तालुका अध्यक्ष मनोज तायडे, जनहित कक्ष तालुका अध्यक्ष गोपाल तराळ, शहर उपाध्यक्ष मयूर कडू, मनविसे तालुका अध्यक्ष प्रथमेश राऊत यांच्या सह संबंधित शाळेच्या मुख्याध्यापक व शिक्षकांची उपस्थिती होती.