१७ वर्षीय मुलगी कॉलेजमध्ये गेल्यानंतर घरी परतलीच नाही ?दर्यापूर पोलिसात आई वडिलांतर्फे तक्रार दाखल

दर्यापूर – महेश बुंदे

दर्यापुर पोलीस स्टेशन अंतर्गत येणाऱ्या दर्यापुर तालुक्यातील एका गावांमधून १७ वर्षीय मुलगी सकाळी साडे दहाच्या सुमारास कॉलेजमध्ये जाते असे सांगून निघाली, कॉलेज संपल्यानंतर सायंकाळ झाल्यावर ही मुलगी परत आली नाही.

म्हणुन आई-वडिलांनी तिची चौकशी केली मात्र मध्यरात्र होईपर्यंत ही मुलगी घरी न आल्याने आई वडिलांनी व त्यांच्या सहकाऱ्यांनी तिचा सर्वत्र शोध घेणे सुरू केले मात्र तिच्या मित्र मैत्रिणी नातेवाईक यांच्याकडे चौकशी केल्यावर ही मुलगी मिळून न आल्याने अखेर दर्यापूर पोलिसात आई-वडिलांनी तक्रार दाखल केली आहे, यासंबंधात दर्यापूर पोलिसांनी अज्ञाता विरुद्ध गुन्हा दाखल केला असून आई-वडिलांनी दिलेल्या तक्रारीनुसार विविध कलमान्वये गुन्हे दाखल करून तपासात घेतले आहेत, दर्यापूर पोलिस तातडीने पुढील तपास करत आहेत.