दर्यापूर तालुका शेतकी खरेदी विक्री संघाची आजपासून हरभरा खरेदीसाठी ऑनलाइन नोंदणी

दर्यापूर – महेश बुंदे

दर्यापूर तालुका शेतकी खरेदी विक्री संघाची आज दि. २० फेब्रुवारी २०२२ पासून हरभरा खरेदीसाठी ऑनलाइन नोंदणी सुरू झाईली आहे. केंद्र शासनाने किंमती योजनेअंतर्गत नाफेड करीता हंगाम २०२१-२२ करीता हरभरा खरेदी साठी शेतकऱ्याकडून ऑनलाइन नोंदणी दिनांक २१-०२-२०२२ रोजी ठीक ११.०० वाजता पासून संस्थेचे मुख्य कार्यालय मध्ये सुरू करण्यात येत आहे.

तेव्हा ऑनलाइन नोंदणी करीता खरीप हंगाम २०२१-२२मधील ऑनलाईन पिकपेरा असलेला तलाठी यांची स्वाक्षरी असलेला ओरिजनल ७/१२ तसेच आधारकार्ड झेरॉक्स, मोबाईल क्रमांक व आधार क्रमांकाची लिंक असलेल्या बँक पासबुकची स्पष्ट झेरॉक्स, या अर्जासह कृपया देणे जरुरी आहे. तेव्हा नोंदणीसाठी हजर राहण्याबाबत संस्थेच्या वतीने विनंती करण्यात आली आहे. या नोंदणीची वेळ दररोज सकाळी ११.०० ते २.३० वाजेपर्यंत व
दुपारी ३.०० ते ५.०० वाजेपर्यंत संस्थेचे मुख्य कार्यालय, दर्यापूर येथे सुरू राहणार आहे, अशी माहिती खरेदी विक्री संघाचे व्यवस्थापक यांनी संचालक मंडळाच्या आदेशानुसार प्रसिद्धी पत्रकाच्या माध्यमातून दिली आहे.