दर्यापूर उपजिल्हा रुग्णालयात सोनोग्राफी कक्षाचे उद्घाटन

दर्यापूर – महेश बुंदे

दर्यापूर येथील उपजिल्हा रुग्णालयात गरीब, आदिवासी व अन्य समाजाच्या रुग्णांना आरोग्यसुविधा मिळावी, यासाठी सोनोग्राफी कक्षाचे उद्घाटन आमदार बळवंत वानखडे यांच्या हस्ते करण्यात आले. यावेळी जिल्हा परिषद आरोग्य सभापती बाळासाहेब हिंगणीकर, वैद्यकीय शिक्षण व रेडिओ लॉजिस्ट डॉ. तायडे, स्त्री रोग तज्ञ डॉ. घोडस्कर, ढोरे, वैद्यकीय अधीक्षक डॉ. संतोष डाबेराव उपस्थित होते.

दर्यापूर ग्रामीण रुग्णालय अंतर्गत १३१ गावे व पाडे येत असून या भागांतील रुग्ण उपचारासाठी येत असतात, ही बाब लक्षात सर्व्हिस सर्जन तर्फे दर्यापूरच्या उपजिल्हा रुग्णालयासाठी सोनोग्राफी मशीन भेट देण्यात आली असून त्याचे उद्घाटन झाले. सोनोग्राफी कक्षामध्ये गरोदर महिलांना मोफत सोनोग्राफी करून दिली जाईल व इतर रुग्णांच्या आजारासाठी अल्पदरात सोय केली जाईल, त्याचा रुग्णांनी लाभ घ्यावा, असे अधीक्षक डॉ. डाबेराव यांनी सांगितले.