गुरु आराधनेनिमित्त वळली भक्तांची पाऊले पोहरादेवी कडे, संत डॉ. रामराव बापूजींच्या प्रथम स्मृती दिनाचे औचित्य
प्रतिनिधी फुलचंद भगत:- वाशिम:-मानोरा तालुक्यातील प्रसिद्ध तीर्थक्षेत्र असलेल्या पोहरादेवी येथे मागील वर्षी कोजागिरी पौर्णिमेच्या पावन दिनी अंतिम संस्कार करण्यात आलेले संत डॉ. रामराव महाराज यांच्या प्रथम पुण्यतिथीला जगभरातील भक्त गणांचे पाऊले अगाध श्रद्धेपोटी गुरु आराधना दिनानिमित्त पोहरादेवीकडे वळलेली आहेत.
जगत कल्याणासाठी संपूर्ण आयुष्य झिजविणाऱ्या महान तपस्वी,बाल ब्रह्मचारी संत डॉ. रामराव महाराज यांचा जन्म आणि देहावसान पवित्र अशा पौर्णिमेच्याच दिवशी झालेला आहे हे विशेष.सकल मानव जातीतील अज्ञान, अंधश्रद्धा आणि व्यसनाधीनतेवर बापूंनी आजीवन प्रहार केलेत. माता जगदंबे चे असीम भक्त असलेल्या महान तपस्वी संत डॉ.रामराव बापू महाराजांनी मानवाने सत्याच्या मार्गाने आजीवन चालण्याचा आग्रह केला.महान तपस्वी संत डॉ. रामराव महाराज या अध्यात्मिक धर्मगुरूंना मानणारा भक्त संप्रदाय भारत आणि विदेशातही कोट्यवधींच्या संख्येने पसरलेला आहे.
मागील वर्षी वयाच्या 86 व्या वर्षी कोजागिरी पौर्णिमेच्या दिवशी संत डॉ. रामराव बापू महाराजांनी देहावसान झाले. संत डॉ. रामराव महाराज बापूंच्या प्रथम पुण्यतिथि दिनाला (गुरु आराधना दिनानिमित्त) धर्म, अध्यात्म, राजकारण, सामाजकारन व इतरही क्षेत्रातील असंख्य भक्तांनी आज श्रीक्षेत्र पोहरादेवीला श्रद्धा सुमने अर्पित करण्यासाठी हजेरी लावली.
