दर्यापूर बसस्थानक झाले अवैद्य वाहनापासून मुक्त ; लाल परीचा विविध भागाचा प्रवास वाढला

दर्यापूर – महेश बुंदे

दर्यापूर बस स्थानक एकेकाळी लाल परीने गजबजून जायचे मात्र गेल्या दोन महिन्यापासून लाल परी दिसेनाशी झाली होती. त्यामुळे बस स्थानकाचा ताबा अवैध वाहतूक वाहनांनी घेतला होता. संपूर्ण तालुक्यातील अवैध वाहतूक करणाऱ्या वाहनांमुळे डेपो खाजगी वाहनांना भाड्याने दिला की काय असे वाटत होते. मात्र आज बस स्थानक परिसरातील सर्व वाहने बाहेर काढल्याने परिसर एकदम अवैध वाहतूक करणाऱ्या वाहनांपासून मुक्त झालेला दिसला व त्यांची जागा पुन्हा लाल परीने घेतल्याचे दिसून आले.

आता विविध ठिकाणी जाण्यासाठी प्रवासी वाहतूक करण्यासाठी लालपरी सज्ज असून प्रवाशांनी बसस्थानकाकडे जी पाठ फिरवली होती ती आता मोकळी करावी, बस स्थानक मध्ये लाल परीचा वापर करावा जेणेकरून चालक-वाहक उत्साही होतील व बसस्थानकाच्या उत्पन्नामध्ये वाढ होईल, तेव्हा प्रवाशांनी लाल परीचा वापर करावा, असे आवाहन पावर ऑफ मीडिया अमरावती जिल्हा उपाध्यक्ष गजानन देशमुख यांनी एका परिपत्रकाद्वारे केले आहे.