दर्यापूर |शासकीय वसतिगृहात प्रजासत्ताक दिन साजरा

दर्यापूर – महेश बुंदे

दर्यापूर येथील डॉ. बाबासाहेब आंबेडकर मागासवर्गीय मुलांच्या शासकीय वसतिगृहात विदयार्थी अभावी ७३ वा प्रजासत्ताक दिन साजरा करण्यात आला.

प्रजासत्ताक दिनानिमित्त वसतिगृहाचे अधीक्षक अनिल खेडेकर अध्यक्षस्थानी होते. तसेच ढगे, दिलीप राठोड, शुद्धोधन बनसोड, विकास भोंगाडे, शुभम गवळी, तुषार पचगाडे, शेखर शिरभाते, धर्मेंद्र आठवले, माजी विद्यार्थी महेश बुंदे उपस्थित होते. अनिल खेडकर यांच्या हस्ते ध्वजारोहण झाले.

अधिक्षकांनी आपले मनोगत व्यक्त करत भारतीय राज्यघटना कशी लागू करण्यात आली व तेव्हापासून भारतात स्वातंत्र्य, समता, बंधुता आणि न्याय जनतेला कशा प्रकारे मिळाला हे सांगितले. प्रजासत्ताक दिन साजरा का केला जातो याचे महत्त्व अध्यक्षांनी आपल्या मनोगतात सांगितले. कार्यक्रमात ध्वजारोहण करण्यापूर्वी संविधान उद्देशिकेचे वाचन करण्यात आले. कार्यक्रमाचे सूत्रसंचालन माजी विद्यार्थी महेश बंदे यांनी केले तर विकास भोंगाडे यांनी आभार मानले.