केळगाव जिल्हा परिषद शाळेस मुख्याध्यापक नियुक्तीची मागणी

प्रतिनिधी सुनील बटवाल

 चिंबळी दि १७(वार्ताहर )केळगाव (ता.खेड) मधील पुणे जिल्हा परिषद शाळेस गेल्या तीन वर्षापासून मुख्याध्यापक नसल्याने शाळेच्या कामकाजावर तसेच गुणवत्तेवर परिणाम होऊ नये यासाठी येथील शाळा व्यवस्थापन समितीचे अध्यक्ष व  ग्रामस्थ व शाळा व्यवस्थापन समिती केळगाव यांच्या वतीने शाळेस तात्काळ मुख्याध्यापक नियुक्त करावा अशी मागणी केली आहे.

या मागणीचे पत्र खेड पंचायत समिती मधील गट शिक्षणाधिकारी यांना या संदर्भातील निवेदन देऊन त्यांचे लक्ष वेधण्यात आल्याचे सांगितले  या शाळेमध्ये पहिली ते सातवी असे वर्ग भरत असून २१२ पटसंख्या आहे. या परिसरातील गोरगरीब, तसेच आदिवासी समाजाची मुले शिक्षण घेत असून त्यात आर्थिक दुर्बल घटकांतील पालकांच्या मुलांचाही समावेश आहे. यापुढील काळात शाळेस शाळेची गुणवत्ता आणि दर्जा अधिक सुधारावा यासाठी शालेय व्यवस्थापन समितीच्या वतीने मुख्याध्यापक नियुक्तीची मागणी करण्यात आली आहे. शाळेस कार्यक्षम मुख्याध्यापकांची गरज असून गेल्या तीन वर्षापासून हे पद रिक्त आहे. यासाठी यापूर्वी ही अनेक वेळा निवेदन अर्ज देऊन पाठवा करून देखील मुख्याध्यापक मिळत नसल्याने नागरिक, पालक यांच्यात नाराजी आहे.

यापुढील काळात लवकरात लवकर मुख्याध्यापक शाळेस नियुक्ती होऊन रुजू व्हावा अशी मागणी ग्रामस्थ यांचे वतीने करण्यात आली आहे.