दर्यापुरात आज पावसाने सकाळपासून केली सुरुवात; सूर्यदर्शन झाले नाही

दर्यापूर – महेश बुंदे

गेल्या तीन दिवसापासून ढगाळ वातावरण असल्याने सूर्याचे दर्शन दुर्मिळ झाले होते मात्र आज सकाळ पासूनच पावसाची रीप रीप सुरू झाली ती पार संध्याकाळपर्यंत तशीच राहिली. सकाळपासून संध्याकाळपर्यंत सूर्यदर्शन संक्रांतीच्या मुहूर्तावर झालेच नाही.

पावसाने सकाळ पासून सुरुवात केल्याने दर्यापूर मार्केट निर्मनुष्य झाले होते. सकाळपासून वातावरण सारखेच राहिल्याने मार्केटमध्ये ग्रामीण भागातील ग्राहकांची आवक दिसून आली नाही त्यामुळे मार्केट सुद्धा आज थंड पडले होते. त्यातच कोरोना वाढत असल्याने त्याचा सुद्धा परिणाम ग्राहकांवर दिसून आला. पावसामुळे थोडेफार फुटलेल्या पराठी तसेच तुर सोडलेली याला थोडाफार नुकसानीचा फटका बसला मात्र जास्त नुकसान नसल्याचे शेतकऱ्याने सांगितले.