तुळशीरामजी पाटील विद्यालय नालवाडाचा सुवर्ण महोत्सव वर्ष साजरे

दर्यापुर – महेश बुंदे

तालुक्यातील तुळशीरामजी पाटील विद्यालय नालवाडा या विद्यालयाच्या स्थापनेस ५० वर्ष पूर्ण होत असल्याकारणाने विद्यालयाचा सुवर्ण महोत्सव समारंभ संस्थेचे अध्यक्ष बाळासाहेब वानखडे यांच्या अध्यक्षतेत संपन्न झाला.

यावेळी विद्यालयातील विद्यार्थ्यांनी चित्रकला स्पर्धा, रांगोळी स्पर्धा, विज्ञान प्रदर्शनी तसेच इंग्रजी संभाषणाचे उत्कृष्ट संभाषण पाहुण्यांसमोर सादर केले. विद्यालयाच्या स्थापनेपासूनचा इतिहास व विद्यालयाने केलेली प्रगती त्याचा संपूर्ण लेखा विद्यालयाचे मुख्याध्यापक मुकुंद तिमाने यांनी उपस्थितांसमोर वाचून दाखविला. विद्यालयास आपली सेवा देणारे सर्व आजी माजी मुख्याध्यापक, शिक्षक, शिक्षकेतर कर्मचाऱ्यांचा स्मृतिचिन्ह देऊन भावपूर्ण सत्कार, फुलबाग विशेषांक विमोचन, शिक्षणाधिकारी यांचा संदेश वाचन, मान्यवरांची स्तुतिसुमने या कार्यक्रमाचे विशेष आकर्षणाचे बिंदू होते.

यावेळी मंचावर ग्रामीण शिक्षण संस्थेचे सचिव शुभम वानखेडे, शिवाजी शिक्षण संस्था अमरावतीचे संचालक प्राचार्य केशवराव गावंडे, प्राचार्य शंकररावजी गावंडे, अमरावती जिल्हा मुख्याध्यापक संघाचे अध्यक्ष ललित चौधरी, सचिव राजेश हुतके, महानगराचे अध्यक्ष प्रदीप नानोटे, राज्य पुरस्कार प्राप्त मुख्याध्यापक गजानन मानकर, दर्यापूर तालुका मुख्याध्यापक संघाचे सचिव परिमल नळकांडे, प्राचार्य अनिक अहमद, प्राचार्य सुनील मोरे, प्राचार्य गोपाल गौरखेडे प्रामुख्याने उपस्थित होते. कोविड १९ नियमांचे पालन करुन साजरा करण्यात आलेल्या या सुवर्ण महोत्सवी कार्यक्रमाचे सूत्रसंचालन श्रीमती निचळ तर आभार प्रदर्शन मुख्याध्यापक मुकुंद तिमाने यांनी केले.