दर्यापूरात दिल्ली येथून आलेली व्यक्ती कोरोना पाँझीटिव्ह

दर्यापूर – महेश बुंदे

मागील काही महिन्यांपासून शहरासह तालुक्यात कोरोना बाधित रुग्णांचा आलेख शुन्यच होता. त्यामुळे नागरिकही बेफिकीर झाले होते. मात्र सद्यस्थितित कोरोनाने पुन्हा एकदा डोके वर काढले आहे. बुधवार (दि.५) शहरातील उपजिल्हा रुग्णालयात ३४ जणांची आरटीपीसीआर तर ३४ अँण्टीजेन असे एकूण ६८ जणांची कोव्हीड तपासणी करण्यात आली. दिल्ली येथून शहरातील साईनगर येथे घरी आलेली एक २४ वर्षीय ( तरुणी ) व्यक्ती कोरोना बाधीत आढळल्याची माहीती उपजिल्हा रुग्णालयाचे वैद्यकीय अधीक्षक डॉ. संतोष डाबेराव यांनी दिली.

राज्यात कोरोनाचा प्रादुर्भाव पुन्हा वाढत असून संसर्ग टाळण्यासाठी प्रत्येकाने आप आपल्या प्रकूतीची काळजी घेत शासनाकडून सुचविलेल्या त्रिसुत्रीय नियमांची काटेकोरपणे अमलंबजावणी करणे आवश्यक आहे. वाढती रुग्ण संख्या बघता आरोग्य यंत्रणा जागूत झाली आहे मात्र त्यांना नागरिकांच्या सहकार्याची नितांत गरज आहे.