दर्यापुरात युवकावर चाकूने प्राणघातक हल्ला ; उधारीच्या पैशावरुन वाद

दर्यापूर – महेश बुंदे

शहरातील जे. डी. पाटील महाविद्यालयाजवळ युवकावर चाकूने प्राणघातक हल्ला केल्याची घटना दि. २८ डिसेंबर २०२१ रोज बुधवार रोजी दुपारच्या सत्रात घडली. दोन विद्यार्थी व आरोपी यांचा उधारीच्या पैशावरुन वाद झाला. दरम्यान हाणमारी होऊन चाकुने वार केल्याची घटना घडली. शहरातील जे. डी. पाटील महाविद्यालययाच्या मागे दोन विद्यार्थ्यांमध्ये जुन्या पैशाच्या वादातून हाणामारी झाली.

यामध्ये जखमी ब्रजेस विलास कुऱ्हाडे (१८) रा. माहुली धांडे याच्यासह अल्पवयीन आरोपीत बाचा बाची झाली. त्यानंतर हाणामारीत होऊन ब्रजेस कुऱ्हाडे याच्या छातीवर आरोपीणे चाकूने वार केला. घटनेनंतर आरोपी पळून जात असताना अन्य दोन मित्रांनी दुचाकीवर बसवून त्यांना पळवून नेण्यास मदत केली. या प्रकरणी चाकुने जखमी झालेल्या युवकाच्या वडीलांनी बुधवारी रात्री उशिरा दर्यापूर पोलीसात तक्रार दाखल केली. पोलीसांनी गुन्हा दाखल करुन गुरुवारी दोन अल्पवयीन आरोपीस ताब्यात घेत तिसरा आरोपी आयुष कपीले रा. बनोसा यास अटक केली आहे. सदर घटनेत ब्रजेस हा गंभीर जखमी झाला असून त्याच्यावर अकोला येथील रुगणालयात उपचार सुरु आहेत. पुढील तपास पोलीस निरीक्षक प्रमेश अत्राम यांच्या मार्गदर्शनात सहायक पोलीस निरीक्षक किरण औटे करीत आहे.