मुस्लीम समाजाला पाच टक्के आरक्षण द्या; मुस्लिम सेवा संघ दर्यापूर तर्फे तहसीलदारांना निवेदन

दर्यापूर – महेश बुंदे

महाराष्ट्रात मुस्लिम समाजाचे राजकीय सामाजिक आर्थिक आणि शैक्षणिक स्थिती अतिमागास झालेली आहे त्यावर आधारित पाच टक्के आरक्षण शिक्षण व नोकरी मध्ये मुस्लिम समाजाला मिळावे अशा मागणीचे निवेदन शुक्रवारी (दि. २४) मुस्लिम सेवा संघ दर्यापूर तर्फे दर्यापूर तहसीलदार डॉ. योगेश देशमुख यांच्या मार्फत महाराष्ट्राचे मा. मुख्यमंत्री उद्धव ठाकरे यांना देण्यात आले.

निवेदन महाराष्ट्रातील मुस्लिम समाज सर्व स्तरावर अतिशय मागास झाला आहे. सच्चर समिती, महमूद रहमान समिती, आणि रंगनाथ मिश्रा आयोग यांनी सखोल अभ्यास व चौकशी करून आपल्या अहवालात सादर केले आहे व पाच टक्के आरक्षण मिळावे अशी स्पष्ट शिफारस केली आहे. सरकारकडे पाच टक्के आरक्षणाची शिफारस करण्यात आली होती, पण त्याची दखल घेतली गेली नाही. आर्थिक, शैक्षणिक, सामाजिक स्थितीचा विचार करून मुस्लिमांना पाच टक्के आरक्षण त्वरित द्यावे, अशा मागणीचे निवेदन मुस्लिम सेवा संघ दर्यापूर तर्फे दर्यापूर तहसीलदार यांच्यामार्फत महाराष्ट्राचे मा. मुख्यमंत्री उद्धव ठाकरे यांना दिले गेले. निवेदन देतेवेळी मुस्लीम सेवा संघाचे तालुकाध्यक्ष डॉ.आय एस पठाण, नवेद शेख, बबलू, डॉ. अनिस मिर्झा, नेहाल, इम्रान पठाण, मुजीब खान, ममताजर, जमीर शेख, इलियास खान आदी उपस्थित होते.