गुरे राखणारे व मंदिराचे बांधकाम करणाऱ्या मजुरांचा सत्कार करून केली गाडगे बाबांची पुण्यतिथी साजरी :- प्राणीमित्र अरुण शेवाणे यांचा उपक्रम

राजेंद्र वाटाणे /अमरावती

महान कर्मयोगी व महान विचारवंत मानवतेचा पुरस्कार करणारे लोकमान्य गाडगेबाबा यांनी गुराखी राखणे पासून तर गाडगेबाबा होईपर्यंत आपल्या विचारांची देवाण-घेवाण आणि रूढी परंपरा अंधश्रद्धेचा विचार लोकांच्या मनातून काढून टाकून त्यांचा नायनाट केला. याच विचाराने प्रेरित होत कापुसतळणी येथील प्राणीमित्र तथा प्रहार संघटना उपतालुकाप्रमुख अरुण शेवाणे सदैव कार्य करीत असतात.

मुंबई येथील गाडगेबाबा धर्मशाळेचे बांधकाम सुरू असतांना गाडगेबाबांनी स्वता बांधकाम मजूर म्हणून काम केले तसेच गुरे सुद्धा राखले . या प्रभावी कार्याचा तरुणांना विसर पडू नये म्हणून अरुण शेवाणे व सवंगडी प्रशांत सरदार, चेतन बाबणेकर, प्रदीप सातवटे, संजय हिंगे,यांनी पोही शेत शिवारातील श्री संत गुलाब बाबा यांचे शेतात गुरे चालणारा गुराखी मंगलसिंग कास्‍देकर या गुराख्याचे पूजन व हार अर्पण करून शाल देऊन सत्कार केला. तसेच कापुसतळणी येथील श्री संत गाडगेबाबा मंदिराच्या जिर्णोद्धाराचे बांधकाम सुरू असलेले मजूर मोहम्मद मोसीन , मोहम्मद मोबिन यांचे हार अर्पण करून शाल देऊन सत्कार केला. याप्रसंगी ग्रामपंचायतचे सचिव विजय कथलकर, ह भ प नारायण महाराज कुटे, ग्रापं सदस्य अजय शिराळकर, ग्रापं. सदस्य विनोद सरदार, सुरेश शेंडे, गजानन बनकर ,पुरुषोत्तम इंगळे, आदींच्या उपस्थितीत संपन्न झाला. या आगळ्यावेगळ्या कार्यक्रमाची संपूर्ण पंचक्रोशीत चर्चा होत आहे.