रामुसेठ मालपाणी यांनी जपले समाजभान

दर्यापूर – महेश बुंदे

स्थानिक दर्यापूर येथील राम स्टाईलचे संचालक यांनी अमरावती जिल्ह्यातील निराधार, अंध, अपंग, दिव्यांग, विधवा परितक्त्या अशा गोर गरीब व गरजू लोकांना मायेची ऊब देऊन आपल्या वडिलांच्या स्मृती दिना निमित्त रामूसेठ मालपाणी आणि त्यांच्या परिवाराने कृतज्ञता भाव जपत दिव्यांगाना जीवनावश्यक वस्तूचे अन्नधान्य किट वाटप करून गरीब आणि गरजू कुटुंबाना भव्य कार्यक्रमाचे आयोजन करून ममतेची सावली प्रदान केली.

या हृदयंगम सोहळ्याला विचार पिठावरती विराजमान असलेले अमरावती जिल्हा मध्यवर्ती सहकारी बँकेचे अध्यक्ष तथा काँग्रेस कमीटीचे अध्यक्ष सुधाकर भारसाकळे, जिल्हा परिषद आरोग्य सभापती बाळासाहेब हिंगणीकर, तहसीलदार योगेश देशमुख, संदीपपाल महाराज, बापूसाहेब देशमुख, श्याम मालपाणी, नितेश वानखडे, गजानन देशमुख, रामहरि राऊत, मुरलीधर नाईक, बोरखडे गुरुजी, सतीश अघडते सर, सह अनेक मान्यवर उपस्थित होते. या सर्वांना स्नेहभोजनाचे आयोजन केले होते. समारोपीय कार्यक्रमात बापूसाहेब आणि त्यांच्या सहकाऱ्यांनी गोपाला गोपाला देवकी नंदन गोपाला हे कीर्तन गाऊन कार्यक्रमाची यशस्वी सांगता झाली.