15 वर्षीय मुलीला फूस लावून पळून नेले ,चाकण येथील घटना

चाकण वार्ता :- आई वडीलांच्या कायदेशीर रखवालीतून त्यांच्या 15 वर्षीय अल्पवयीन मुलीला फूस लावून पळवून नेल्याची घटना खेड तालुक्यातील चाकण गावात (दि.14) घडली आहे.

याबाबत 14 डिसेंबर रोजी अज्ञात इसम एकाविरुद्ध अपहरणाचा गुन्हा दाखल करण्यात आला आहे. चाकण गावात सदर मुलीचे वडील खंडोबा माळ येथे आपल्या कुटूंबासह राहत आहे.

ते मोल मजूरी, बिगारी काम करून आपल्या कुटूंबाचा उदरनिर्वाह करत आहेत. दिनांक 13 डिसेंबर रोजी सकाळी साडे आठ वाजता नेहमी प्रमाणेच सदर कुटुंबातील लोकं बिगारी काम करता निघून गेले नेहमी प्रमाणे काम संपून रात्री 9 वाजता ते घरी आले असता

त्यावेळी त्यांची 15 वर्षीय अल्पवयीन मुलगी घरात दिसली नाही. तेव्हा घरातील लोकांनी आजू बाजुतील परिसर व आजू बाजूला व नातेवाईकांकडे शोध घेतला. तसेच फोन करून विचारणा केली असता तरी मात्र ती मुलगी मिळून आली नाही.मुलीकडे असलेल्या मोबाईल वर कॉल केले असता मोबाईल बंद लागत होता.

दरम्यान अल्पवयीन मुलीचे आई वडील यांनी तात्काळ चाकण पोलीस स्टेशन गाठत या बाबतची तशी कायदेशीर तक्रार फिर्यादी गुडीयादेवी प्रकाश तुरी ( मूळ गाव तेतरीया देवधर, पोस्ट-पुनासी ,जिल्हा-देवधर ) सध्या राहणार चाकण खंडोबा माळ, जि. पुणे यांनी कोणीतरी
अज्ञात इसमाने माझ्या 15 वर्षीय अल्पवयीन मुलीला फूस लावून पळवून नेले आहे. व तसा सविस्तर वृत्तांत पोलिसांना सांगितला.

त्यांच्या फिर्यादीवरून अज्ञात आरोपी इसमा विरोधात चाकण पोलीस स्टेशनमध्ये अपहरणचा कायदेशीर गुन्हा दाखल करण्यात आला आहे .सदर घटनेचा पुढील अधिकचा तपास चाकण पोलीस स्टेशन चे दिपक हांडे हे करत आहे.