चंडीकापूर येथील अल्पभूधारक शेतकऱ्याची गळफास घेऊन आत्महत्या

दर्यापूर – महेश बुंदे

दर्यापूर तालुक्यातील चंडीकापूर येथील एका शेतकऱ्याने नापिकीला व खाजगी कर्जाला कंटाळून राहत्या घरी गळफास घेऊन आत्महत्या केल्याची घटना घडली आहे. येथील शेतकरी राजू नामदेवराव गोलांडे (५०) यांनी बुधवारी (दि.८) राहत्या घरी गळफास घेऊ आत्महत्या केली. बँकेचा तगादा व इतर आर्थिक विवंचनेत या शेतकऱ्याने गळफास घेऊन आपले जीवन संपविले या घटनेमुळे गावात हळहळ व्यक्त केली जात आहे. पश्चात आई वडील पत्नी दोन मुले असा परिवार आहे. खोलापूर पोलिसांनाही घडलेल्या प्रकाराची माहिती देण्यात आली.