४७ टक्के नागरीकांनी घेतले लसीचे दोन्ही डोस
दर्यापूर – महेश बुंदे
अमरावती जिल्ह्यात कोरोना प्रतिबंधक लसीकरण सुसाट वेगाने सुरु झाले आहे. दिलासा देणारी बातमी म्हणजे अंजनगाव तालुक्यातील कोकर्डा प्राथमिक आरोग्य केंद्रामध्ये लसीकरणासाठी पात्र नागरीकांपैकी ९७ टक्के जणांनी कोरोना प्रतिबंधक लसीचा पहिला डोस घेतला आहे.
तर ४७ टक्के नागरीकांनी लसीचे दोन्ही डोस घेतले आहेत. कोकर्डा गावामध्ये १८ वर्षावरील नागरीकांची लोकसंख्याही १४ हजार ५०० एवढी आहे. यापैकी यात १४ हजार ५०० जणांनी कोरोना प्रतिबंधक लसीचा पहिला डोस घेतला आहे. ६ हजार ७८६ जणांनी लसीचे दोन्ही डोस घेतले आहेत. म्हणजेच लसीकरणासाठी पात्र लाभार्थ्यांसाठी ९७ टक्के टक्के लोकांना लसीचा पहिला डोस, तर ४७ टक्के लोकांना लसीचे दोन्ही डोस मिळाले आहेत. लसींचा पुरवठा सुरळीत झाल्यामुळे लसीकरणाचा वेग वाढला आहे. कोकर्डा प्राथमिक आरोग्य केंद्रामध्ये १० मार्चला लसीकरणाला सुरवात झाली होती. सुरुवातीला लसींचा पुरवठा कमी होता. नागरिकांमध्ये लसींच्या कार्यक्षमतेबाबत साशंकता होती. सुरवातीला फक्त प्राधान्यक्रम प्राप्त शासकीय कर्मचारी आणि आरोग्य कर्मचाऱ्यांसाठी मर्यादीत होते. नंतर मात्र टप्प्याटप्प्याने नागरीकांसाठी खुले होत गेले.
सुरवातीला जेष्ठ नागरीक, त्यानंतर ४५ ते ६० या वयोगटातील नागरीकांचे लसीकरण करण्यात आले. त्यानंतर १८ ते ४५ वयोगटातील नागरीकांचे लसीकरण सुरु करण्यात आले. सुरुवातीला लसीकरणाचा वेग कमी होता. मात्र सप्टेंबर महिन्यापासून लसींचा पुरवठा सुरळीत झाल्याने लसीकरणाचा वेग वाढायला सुरवात झाली. सप्टेंबर आणि ऑक्टोबर महिन्यात लसीकरण सुसाट वेगाने सुरु झाले आहे.
प्रतिक्रिया —
“ज्या नागरीकांनी अद्यापही कोरोना प्रतिबंधक लस घेतली नाही. त्यांनी केंद्रावर येऊन लसीकरण करून घ्यावे.”
डॉ. रोशन खोरगडे
(वैद्यकीय अधिकारी, प्राथमिक आरोग्य केंद्र कोकर्डा)