प्रतिनिधी कुणाल शिंदे ,पुणे :-
पुणे वार्ता :- यंदाच्या कार्तिकी यात्रेनिमित्त खालापूर येथून आळंदीच्या दिशेने खालापूर तालुक्यातील उंबरे येथील माउली कृपा चॅरिटेबल ट्रस्ट दिंडी सोहळ्यात सुमारे दीडशे वारकरी पायी दिंडीने आळंदीला येत होते. रात्री त्यांचा नायगाव येथील गुरुदत्त मंगल कार्यालयात मुक्काम होता. पहाटे साडेपाचच्या सुमारास पालखीने आळंदीकडे प्रस्थान ठेवले. सकाळी सव्वासहाच्या सुमारास दिंडी साते फाट्याजवळ आली असताना जाणाऱ्या वारकऱ्यांना एका पिकअप गाडीने चिरडल्याची घटना समोर आली आहे. पाठीमागून भरधाव वेगाने आलेला पिकअप टेम्पो दिंडीत घुसला. त्याने प्रथम पालखी रथाला ठोकर देऊन पुढे चाललेल्या महिलांच्या जथ्यात घुसला व एकच हाहाकार उडाला.
यात ४ वारकऱ्यांचा मृत्यू झाला, तर जवळपास २० ते २२ वारकरी जखमी झाले आहेत.
ही घटना आज (२७ नोव्हेंबर) सकाळी ७ च्या सुमारास कान्हे येथील सत्कार हॉटेल समोर घडली. याप्रकरणी वडगाव मावळ पोलिसांनी पिकअप चालक आरोपीला ताब्यात घेण्यात आले आहे. तर जखमींना महावीर हॉस्पीटल तसेच पवना हॉस्पीटल सोमाटणे येथे उपचारांसाठी दाखल करण्यात आले आहे.
मिळालेल्या माहितीनुसार, रायगडच्या खालापूर उब्रे गावातील पालखी प्रमुख लक्ष्मण ऐरम यांच्या अध्यक्षतेखाली सुमारे दीडशे वारकरी हे आळंदीच्या दिशेने कार्तिकी यात्रेनिमित्त निघाले होते. हरिनामाचा गजर करत सर्व वारकरी रस्त्याच्याकडेने पायी जात होते. यावेळी पाठीमागून एका भरधाव पिकअपटेम्पो गाडीने पालखीच्या मधोमध धडक दिली. यात पालखीतील जवळपास २० ते २२ वारकरी जखमी झालेत. अशी माहिती समोर आली आहे. या जखमी वारकऱ्यांना महावीर हॉस्पीटल तसेच पवना हॉस्पीटल सोमाटणे ,
कान्हे येथील ग्रामीण रुग्णालय,बढे हॉस्पिटल
मध्ये उपचारांसाठी दाखल करण्यात आले आहे.
चार मृत वारकऱ्यांची नावे
१) जयश्री आत्माराम पवार (वय ५४ वर्ष) रा.भुतीवली ता.कर्जत जि.रायगड
२) सविता वाळकु, (वय ५८ वर्ष) येरम रा.उब्रे ता.खालापूर जि.रायगड
३) सुरेखा चोरघे रा. बीड
४) संगीता शिंदे रा. साळोख